ជំងឺភ្នែកឡើងបាយគឺជាដុំពណ៌សដែលបាំងកែវភ្នែក ។ សម្រាប់អ្នកដែលមានជំងឺនេះ ការមើលទៅបរិស្ថានខាងក្រៅប្រៀបបាននឹងការសម្លឹងមើលកាត់បង្អួចដែលមានចុះអ័ព្ទ ។ ភាពស្រអាប់នៃការមើលឃើញរបស់ភ្នែកដែលបណ្តាលមកពីការឡើងបាយនេះ អាចបង្កការ លំបាកខ្លាំងក្នុងការអានសៀវភៅ បើកបរយាន យន្ត និងជាពិសេសនៅពេលយប់ ។ ភាគច្រើននៃជំងឺនេះវិវឌ្ឍទៅមុខយឺតៗ
ជំងឺភ្នែកឡើងបាយគឺជាដុំពណ៌សដែលបាំងកែវភ្នែក ។ សម្រាប់អ្នកដែលមានជំងឺនេះ ការមើលទៅបរិស្ថានខាងក្រៅប្រៀបបាននឹងការសម្លឹងមើលកាត់បង្អួចដែលមានចុះអ័ព្ទ ។ ភាពស្រអាប់នៃការមើលឃើញរបស់ភ្នែកដែលបណ្តាលមកពីការឡើងបាយនេះ អាចបង្កការ លំបាកខ្លាំងក្នុងការអានសៀវភៅ បើកបរយាន យន្ត និងជាពិសេសនៅពេលយប់ ។ ភាគច្រើននៃជំងឺនេះវិវឌ្ឍទៅមុខយឺតៗ ប៉ុន្តែបើទុកយូរមិនព្យាបាល វានឹងរំខានដល់ការមើលឃើញរបស់អ្នកធ្ងន់ធ្ងរ ។
គេអាចដោះស្រាយបញ្ហានេះដោយការពាក់វ៉ែនតា តែបើអាការៈកាន់តែធ្ងន់ធ្ងរ អ្នកចាំបាច់ត្រូវធ្វើការវះកាត់ ។ ជាសំណាងល្អ ការវះកាត់ភ្នែកឡើងបាយជាទូទៅតែងទទួលបានជោគជ័យ និងសុវត្ថិភាព ។ I . ជំងឺភ្នែកឡើងបាយចែកចេញជា៤ប្រភេទ ៖ A . ជំងឺភ្នែកឡើងបាយដែលប៉ះពាល់លើផ្នែកកណ្តាលរបស់កែវភ្នែក (Nuclear Cataracts) ៖ ជំងឺប្រភេទនេះដំបូងអាចធ្វើឱ្យអ្នកជំងឺមិនអាចមើលឃើញឆ្ងាយ ប៉ុន្តែបន្តិចម្តងៗ កែវភ្នែកប្រែពណ៌លឿង ហើយការមើលឃើញកាន់តែស្រអាប់ទៅៗ ។ មានពេលខ្លះវាធ្វើឱ្យអ្នកជំងឺព្រិលមើលឃើញរូបភាពមួយបែកទៅជា២ឬច្រើន ។
B. ជំងឺភ្នែកឡើងបាយដែលប៉ះពាល់លើគែមកែវភ្នែក ( Cortical Cataracts)៖ ជំងឺប្រភេទនេះចាប់ផ្តើមដោយដុំស្រអាប់កាត់ទទឹងឬស្នាមឆូតវែងលើគែមខាងក្រៅនៃស្រទាប់កែវភ្នែក ។ ខណៈដែលវាវិវឌ្ឍទៅមុខយ៉ាងយឺតៗ ស្នាមឆូតវែងចូលដល់ចំណុចកណ្តាលហើយគឺរំខានដល់ដំណើរពន្លឺដែលរត់កាត់ចំណុចកណ្តាលរបស់កែវភ្នែក ។
សម្រាប់អ្នកដែលកើតជំងឺប្រភេទនេះ បញ្ហាចោទគឺចាញ់ពន្លឺ ។ C. ភ្នែកឡើងបាយដែលប៉ះពាល់លើផ្នែកខាងក្រោយនៃកែវភ្នែក ( Posterior Subcapsular Cataracts) ៖ ប្រភេទទី៣នេះចាប់ផ្តើមក្នុងនាមជាដុំតូចមួយដែលធម្មតាកើតមាននៅក្បែរផ្នែកខាងក្រោយនៃកែវភ្នែក ពោលគឺនៅចំផ្លូវពន្លឺចូលទៅកាន់ផ្នែកបញ្ជូនពន្លឺ និងរូបភាពទៅកាន់ខួរក្បាលរបស់ភ្នែក (Retina) ។ ផលរំខានជាញឹកញាប់របស់វាធ្វើឱ្យពិបាកក្នុងការអាន និងចាញ់ពន្លឺ ។ D. ភ្នែកឡើងបាយពីកំណើត ( Congenital Cataracts )៖ មនុស្សមួយចំនួនកើតជំងឺភ្នែកឡើងបាយតាំងពីកំណើត ឬក្នុងវ័យកុមារភាព ។ នេះអាចមកពីកត្តាម្តាយកើតជំងឺឆ្លងណាមួយអំឡុងពេលមានគភ៌ ។ II. រោគសញ្ញាមួយចំនួន ៖ ជំងឺភ្នែកឡើងបាយមានរោគសញ្ញាសំខាន់ៗ៧ចំណុចដូចជា ៖ – ភ្នែកឡើងព្រិល ស្រអាប់មើលអ្វីមិនសូវច្បាស់ ។ (នៅមានតនៅលើកក្រោយ)
ចែករំលែកព័តមាននេះ