មហារីកសុដន់ជាជំងឺក៏កាចសាហាវមួយដែលគំរាមកំហែងដល់អាយុជីវិតនិងបំបាក់ស្មារតីស្ត្រីឱ្យរស់នៅក្នុងសភាពក្រៀមក្រំ តែបើស្ត្រីធ្វើរោគវិនិច្ឆ័យនិងព្យាបាលឱ្យបានទាន់ពេលពេលវេលានឹងអាចជួយកាត់បន្ថយពីគ្រោះថ្នាក់ដោយជំងឺប្រភេទនេះ ។
ជំងឺមហារីកសុដន់ច្រើនកើតមានលើស្ត្រីដែលមានវ័យចំណាស់, ស្ត្រីគ្មានកូនឬមានកូនតិច,ស្ត្រីឆាប់មករដូវពេក,គ្រួសារធ្លាប់មានប្រវត្តិកើតជំងឺមហារីកសុដន់,មហារីកក្រពេញអូវ៉ែ និងមហារីកផ្សេងៗទៀត ។
តាមការស្រាវជ្រាវរកឃើញថា រោគសញ្ញានៃមហារីកសុដន់ធ្វើឱ្យសាច់ដុំក្នុងសុដន់ឈឺខ្លាំង ហើមក្នុងក្លៀក,សុដន់ទៅជាទ្បើងពណ៌ក្រហម, ហើម និងក្តៅខ្លាំងទៅៗ ធ្វើឱ្យមានហូរទឹករំអិលចេញពីក្បាលសុដន់, ក្បាលសុដន់សំយុងចុះក្រោមមានស្រោមស្រោបពីលើ ឬមានស្រការរបកៗ ។ កាលបើស្ត្រីសង្ស័យកើតជំងឺមហារីកសុដន់ គួរប្រញាប់ទៅពិនិត្យឱ្យបានទៀងទាត់ជារៀងរាល់ខែដើម្បីធ្វើរោគវិនិច្ជ័យឱ្យបានទាន់ពេលវេលា ។
ដើម្បីកាត់បន្ថយហានិភ័យនៃជំងឺមហារីកសុដន់ស្ត្រីគប្បីកំណត់របបអាហារឱ្យបានត្រឹមត្រូវពិសេសទទួលទានបន្លែឱ្យបានច្រើន បូករួមទាំងធ្វើលំហាត់ប្រាណផង ។ បើស្ត្រីសង្ស័យថាខ្លួនមានដុំមិនប្រក្រតីនៅក្នុងសុដន់ សូមទៅជួបជាមួយវេជ្ជបណ្ឌិត ងួន សេរ័ត្ន តំណាងមន្ទីរពេទ្យ សាំដាប៊ី (Sime Darby Healthcare) ប្រចាំនៅកម្ពុជាដើម្បីបំភ្លឺជុំវិញករណីនេះ ៕
ចែករំលែកព័តមាននេះ