ស្ត្រីភាគច្រើនចង់បានទំហំសុដន់របស់ខ្លួនធំ បន្តិច ។ ជាញយដង ពួកគេតែងជួបការលំបាកក្នុងការស្វែងរកសម្លៀកបំពាក់ណាដែលទាក់ទាញ និងបិទបាំងដើមទ្រូងស្ទើរតែរាបស្មើរបស់ពួកគេ ។ Estrogen គឺជាអ័រម៉ូនដើរតួនាទីយ៉ាងសំខាន់សម្រាប់ការលូតលាស់ធំធាត់របស់សុដន់។ ឈានដល់វ័យជំទង់ ក្មេងស្រីចាប់ផ្តើមលូតលាស់ជាលិកាសុដន់ ហើយជាធម្មតាពួកគេត្រូវការអាវទ្រនាប់មានទំហំធំទៅៗពីមួយឆ្នាំទៅមួយឆ្នាំ ។ ប៉ុន្តែទន្ទឹមនឹងនេះ ក៏មានស្ត្រីមិនតិចដែរដែលឈឺក្បាលនឹងទំហំដើមទ្រូងដែលស្ទើរតែមើលមិនឃើញរបស់ខ្លួន ។ យ៉ាងណាក៏ដោយ យោងតាមអ្នកជំនាញអះអាងថា ពួកគេនៅអាចដោះស្រាយបញ្ហានេះបានតាមរយៈរបបអាហារទទួលទាន និងការហាត់ប្រាណ ។
*លំហាត់ប្រាណ៖
១- លើកដុំដែកតូច៖ អ្នកអាចអង្គុយលើកៅអីមានបង្អែករួចលើកដុំដែកដែលមានទម្ងន់២,៥គីឡូក្រាមសម្រាប់ដៃម្ខាងៗ ។ ចូរលើកឱ្យបាន៣ជុំហើយក្នុង១ជុំលើកឱ្យបាន៥ដង ។
២- អាវ៉ង់ផ្កាប់មុខលើដីរាប់ឱ្យបាន៣ ។ ធ្វើដដែលៗឱ្យបានយ៉ាងហោចណាស់៥លើក ។
៣- លើកទម្ងន់ដោយផ្តេកខ្នងលើកៅអីវែង។ ចូរដេកផ្ងារលើកៅអីវែង ហើយដៃទាំង២លើកទម្ងន់ម្ខាងៗ២,៥គីឡូក្រាម ។ ធ្វើបែបនេះឱ្យបាន៣ជុំ ដោយក្នុងមួយជុំត្រូវលើកឱ្យបាន១០ដង ។
*របបអាហារ ៖ តើគួរទទួលទានអាហារអ្វីខ្លះដើម្បីបង្កើនទំហំសុដន់ ?
១- សុដន់មិនរីកធំក៏ព្រោះវត្តមានលើសតម្រូវការនៃអ័រម៉ូន Testosterone។ ចូរទទួលទានបន្លែនិងផ្លែឈើស្រស់ព្រមទាំងគ្រាប់ធញ្ញជាតិឱ្យបានច្រើនដើម្បីទប់ស្កាត់ការផលិតអ័រម៉ូនលើសតម្រូវការ ។
២- ចូរទទួលទានពពួកសណ្តែកដែលមានផ្ទុកអ័រម៉ូនរុក្ខជាតិ Estrogens ដូចជា សណ្តែកសៀង សណ្តែកអង្គុយ ឬសណ្តែកក្រហម និងសណ្តែកបារាំងឬសណ្តែកខៀវជាដើម ។ Estrogens ជាអ័រម៉ូនទទួលបន្ទុកសម្រាប់ការលូតលាស់ជាលិកាសុដន់ ។
៣- ចូរដាក់បញ្ចូលប្រភេទជីរបង់សម្លស្រស់ៗទៅក្នុងរបបអាហារប្រចាំថ្ងៃ ។ ជីរភ្លូត្រូវបានគេគិតថាជាជំនួយយ៉ាងសំខាន់សម្រាប់ការរីកធំធាត់របស់សុដន់ ៕
ចែករំលែកព័តមាននេះ