ផ្លែកន្ទឹមក្រៅពីមានរសជាតិផ្អែម និងពណ៌ សម្បុរមើលទៅគួរឱ្យចង់ទទួលទាន វាក៏នៅផ្តល់អត្ថប្រយោជន៍ចំពោះសុខភាពជាច្រើនយ៉ាងទៀតផងដែរ ។ ការសិក្សាដែលធ្វើឡើងដោយអ្នកវិទ្យាសាស្ត្រប្រទេសអេស្ប៉ាញបានបង្ហាញថា សមាសធាតុគីមីនៅក្នុងផ្លែកន្ទឹមឈ្មោះ polyphenolsបានដើរតួយ៉ាងសំខាន់ក្នុងការរាំងខ្ទប់ខ្លាញ់កូឡេស្តេរ៉ូល ដែលកើតពីរបបអាហារមិនឱ្យឡើងខ្ពស់ហួសកម្រិត
ផ្លែកន្ទឹមក្រៅពីមានរសជាតិផ្អែម និងពណ៌ សម្បុរមើលទៅគួរឱ្យចង់ទទួលទាន វាក៏នៅផ្តល់អត្ថប្រយោជន៍ចំពោះសុខភាពជាច្រើនយ៉ាងទៀតផងដែរ ។ ការសិក្សាដែលធ្វើឡើងដោយអ្នកវិទ្យាសាស្ត្រប្រទេសអេស្ប៉ាញបានបង្ហាញថា សមាសធាតុគីមីនៅក្នុងផ្លែកន្ទឹមឈ្មោះ polyphenolsបានដើរតួយ៉ាងសំខាន់ក្នុងការរាំងខ្ទប់ខ្លាញ់កូឡេស្តេរ៉ូល ដែលកើតពីរបបអាហារមិនឱ្យឡើងខ្ពស់ហួសកម្រិតធម្មតា ជួយពង្រឹងកម្លាំងដល់សរសៃអាក់ទែរការពារបាននូវសុខភាពបេះដូង ក៏ដូចជាហានិភ័យពីជំងឺដាច់សរសៃឈាមក្នុងខួរក្បាល ។
វេជ្ជបណ្ឌិត Lina Badimon អ្នកដឹកនាំការស្រាវជ្រាវមកពីវិទ្យាស្ថានវិទ្យាសាស្ត្របេះដូង CICS ប្រទេសអេស្ប៉ាញបានថ្លែងថា ៖ «របបអាហារដែលមានសមាសធាតុ polyphenols របស់ផ្លែកន្ទឹមច្រើនពិតជាអាចជួយទប់ស្កាត់ និងពន្យារស្ថានភាពជំងឺជាប្រព័ន្ធនៃសរសៃឈាមផ្នែកខាងក្នុង (Endothelial dysfunction)»។
ចំណែកការសិក្សាលើកមុនដែលធ្វើដោយក្រុមអ្នកស្រាវជ្រាវមកពីសាកលវិទ្យាល័យ University of Edinburgh ចក្រភពអង់គ្លេសបង្ហាញថា ទឹកផ្លែកន្ទឹមអាចជួយបន្ថយបរិមាណអាស៊ីត ខ្លាញ់នៅក្នុងឈាម ដែលត្រូវគេស្គាល់ឈ្មោះថាជាប្រភេទអាស៊ីតខ្លាញ់Nonesterified ឬ NEFA ។ បើពិសា១កែវរៀងរាល់ថ្ងៃនឹងជួយធ្វើឱ្យល្អប្រសើរដល់លំហូរឈាមទៅកាន់បេះដូង ។ លើសពីនេះទៀត វាក៏អាចជួយកំចាត់ខ្លាញ់ដែលនៅជុំវិញចង្កេះ និងពោះផងដែរ ។
បន្ទាប់ពីការពិសោធរយៈពេលមួយខែ អ្នកស្ម័គ្រចិត្តដែលបានផឹកទឹកផ្លែកន្ទឹម១ដបជារៀងរាល់ថ្ងៃត្រូវគេសង្កេតឃើញថា មានការ កកើតកោសិកាខ្លាញ់នៅជុំវិញពោះរបស់ពួកគេ តិចតួច ។ ក្រៅពីនេះ សម្ពាធឈាមរបស់ពួកគេក៏ធ្លាក់ចុះ ដែលជាហេតុជួយកាត់បន្ថយការកើតជំងឺបេះដូង ជំងឺដាច់សរសៃឈាមក្នុងខួរក្បាល និងជំងឺតម្រងនោម ។
តាមការសិក្សាលើមនុស្ស និងសត្វបានបង្ហាញថា កម្រិត NEFA ខ្ពស់ជាប់ពាក់ព័ន្ធទៅនឹងបរិមាណខ្លាញ់យ៉ាងច្រើននៅជុំវិញពោះប្រៀបដូចជា ការជួយបង្កើនឱ្យកើតជំងឺបេះដូង និងទឹកនោមផ្អែមប្រភេទ២ ។
ការពិសោធទៅលើបុរស-ស្ត្រី២៤នាក់ បង្ហាញលទ្ធផលថា អ្នកដែលផឹកទឹកផ្លែកន្ទឹម១ដបមានចំណុះ៥០០មិល្លីលីត្រជារៀងរាល់ថ្ងៃ រយៈពេល៤សប្តាហ៍ ចំនួនជិតពាក់កណ្តាល ថយចុះកម្រិត NEFAយ៉ាងច្រើន ។ លើសពីនេះទៀត សម្ពាធឈាមអ្នកស្ម័គ្រចិត្តបុរស-ស្ត្រីជាង៩០%បានចុះទាប ។
វេជ្ជបណ្ឌិត Emad Aldujaili និងវេជ្ជបណ្ឌិត Catherine Tsang ដែលជាអ្នកដឹកនាំស្រាវជ្រាវ នៅសាកលវិទ្យាល័យ University of Edinburgh បានថ្លែងថា ពេលនេះគឺអស់ចម្ងល់ហើយ។ ទឹកផ្លែកន្ទឹមពិតជាមានផលប្រយោជន៍ជួយបន្ថយឱកាសកើតជំងឺបេះដូងមែន។ សូមរំលឹកថាការសិក្សាកាលពីលើកមុន មួយផ្សេងទៀតក៏បានបង្ហាញដែរថា ពិសា ទឹកផ្លែកន្ទឹមមានលទ្ធភាពជួយបង្កើនជីវិតសិច (Sex) បានទៀតផង ៕
ចែករំលែកព័តមាននេះ