ខេត្តរតនគិរី ៖ យុវជនម្នាក់បានស្លាប់បាត់បង់ជីវិតភ្លាមៗយ៉ាងអាណោចអាធម៌បំផុត ដោយសារតែចុះជីកអណ្តូងមានការធ្វេសប្រហែស ហើយត្រូវម៉ូទ័រធ្លាក់ពីលើត្រូវចំក្បាល ។ ហេតុការរបូតខ្សែរម៉ូទ័រពីដៃធ្លាក់ចំក្បាលមនុស្ស នៅក្នុងអណ្តូង បណ្តាលឱ្យស្លាប់នោះបានកើតឡើងនៅវេលាម៉ោង១និង០០នាទីរសៀល ថ្ងៃទី២៩…
ខេត្តរតនគិរី ៖ យុវជនម្នាក់បានស្លាប់បាត់បង់ជីវិតភ្លាមៗយ៉ាងអាណោចអាធម៌បំផុត ដោយសារតែចុះជីកអណ្តូងមានការធ្វេសប្រហែស ហើយត្រូវម៉ូទ័រធ្លាក់ពីលើត្រូវចំក្បាល ។ ហេតុការរបូតខ្សែរម៉ូទ័រពីដៃធ្លាក់ចំក្បាលមនុស្ស នៅក្នុងអណ្តូង បណ្តាលឱ្យស្លាប់នោះបានកើតឡើងនៅវេលាម៉ោង១និង០០នាទីរសៀល ថ្ងៃទី២៩ ខែមីនា ឆ្នាំ២០១៩ នៅត្រង់ចំនុចអណ្តូងផ្ទះស្ថិតនៅភូមិក្រូច ឃុំឯកភាព ស្រុកអូរជុំ ខេត្តរតនគិរី ។
ប្រភពពីសមត្ថកិច្ចបានឱ្យដឹងថា ជនរងគ្រោះឈ្មោះ ប៊ុន ចាន់ធី ភេទប្រុស អាយុ២៦ឆ្នាំ ជនជាតិខ្មែររស់នៅភូមិប៉ាអរ៉ាច ឃុំឯកភាព ស្រុកអូរជុំ ខេត្តរតនគិរី ត្រូវម៉ូទ័របូមទឹករបូតខ្សែរពីដៃធ្លាក់ចំក្បាល បណ្តាលឱ្យបែកក្បាលស្លាប់ភ្លាមៗតែម្តង ។ ប្រភពបន្តថា ដោយសារអ្នកនៅខាងលើមានការធ្វេសប្រហែសធ្វើឱ្យខ្សែរម៉ូទ័ររបូតពីដៃ បណ្តាលឱ្យធ្លាក់ត្រូវចំក្បាលអ្នកនៅក្នុងអណ្តូងស្លាប់ភ្លាមៗនៅនឹងកន្លែងកើតហេតុនោះតែម្តង ។
បន្ទាប់ពីកើតហេតុកម្លាំងជំនាញបានចុះត្រួតពិនិត្យដល់កន្លែងកើតហេតុហើយធ្វើលិខិតប្រគល់សាកសពឱ្យទៅក្រុមគ្រួសារសាច់ញាតិធ្វើបុណ្យតាមប្រពៃណីផងដែរ ៕
ចែករំលែកព័តមាននេះ