ខេត្តកំពង់ធំ ៖ ចំការកៅស៊ូរបស់ក្រុមហ៊ុនកូរ៉េ BNA ត្រូវបានអគ្គិភ័យលេបត្របាក់អស់ចំនួន៥៣០ហិកតា កាលពីវេលាម៉ោង១និង៤៥រសៀលថ្ងៃទី៣០ ខែមិនា ឆ្នាំ២០១៩ ស្ថិតនៅចំណុចអូរជាំប្រាំង ក្នុងភូមិស្រែស្រម៉…
ខេត្តកំពង់ធំ ៖ ចំការកៅស៊ូរបស់ក្រុមហ៊ុនកូរ៉េ BNA ត្រូវបានអគ្គិភ័យលេបត្របាក់អស់ចំនួន៥៣០ហិកតា កាលពីវេលាម៉ោង១និង៤៥រសៀលថ្ងៃទី៣០ ខែមិនា ឆ្នាំ២០១៩ ស្ថិតនៅចំណុចអូរជាំប្រាំង ក្នុងភូមិស្រែស្រម៉ ឃុំទីពោ ស្រុកសន្ទុក ខេត្តកំពង់ធំ ។
សមត្ថកិច្ចបានឲ្យដឹងថា ចំការកៅស៊ូរបស់ក្រុមហ៊ុនកូរ៉េ (BNA) ខាងលើមានម្ចាស់ឈ្មោះ bak byongkone ភេទប្រុស អាយុ៥៥ឆ្នាំ ។
ក្នុងករណីអគ្គិភ័យឆាបឆេះចម្ការកៅស៊ូរបស់ក្រុមហ៊ុនកូរ៉េខាងលើនេះ ត្រូវបានរថយន្តពន្លត់អគ្គិភ័យចេញអន្តរាគមន៍ចំនួន៣គ្រឿង ក្នុងនោះរួមមាន រថយន្តពន្លត់អគ្គិភ័យនៃស្នងការនគរបាលខេត្ត ចំនួន២គ្រឿង រថយន្តអធិការដ្ឋាននគរបាលស្រុកសន្ទុកចំនួន១គ្រឿង និងប្រើប្រាស់ទឹកអស់ចំនួន៧រថយន្តទើបរលត់ទាំងស្រុង ។
នាព្រឹកថ្ងៃទី៣១ មីនា ឆ្នាំ២០១៩ នេះ កោះសន្តិភាពបានទូរស័ព្ទទៅលោកប៊ុន សុធី នាយខណ្ឌរដ្ឋបាលព្រៃឈើកំពង់ធំ ដើម្បីចង់ដឹងព័ត៌មានពាក់ព័ន្ធនឹងករណីអគ្គិភ័យឆាបឆេះចម្ការកៅស៊ូខាងលើ តែលោកបានប្រាប់ថា មិនទាន់បានដឹងនៅឡើយទេ ព្រោះខាងមន្ត្រីរបស់លោកមិនទាន់រាយការណ៍ជូនលោកនៅឡើយទេ រង់ចាំលោកសួរនាំសិន ។
តាមប្រភពពីលោក ធីវ វណ្ណធី ប្រធានមន្ទីរកសិកម្មរុក្ខាប្រមាញ់ និងនេសាទ ខេត្តកំពង់ធំ បានមានប្រសាសន៍ប្រាប់កោះសន្តិភាពតាមទូរស័ព្ទថា ចម្ការកៅស៊ូរបស់ក្រុមហ៊ុនកូរ៉េ BNA ខាងលើ បានធ្វើការវិនិយោគលើដីចំការកៅស៊ូសរុបចំនួន៨០០ហិកតា ហើយត្រូវភ្លើងឆេះអស់៥៣០ហិកតា ។
លោកបានបន្តថា ចំពោះករណីអគ្គិភ័យឆាបឆេះខាងលើនេះអាចបណ្តាលមកពីប្រជាពលរដ្ឋដុតភ្លើងយកឃ្មុំ, អាចមកពីប្រជាពលរដ្ឋដុតភ្លើងចាប់សត្វ ឬក៏បង្កាត់ភ្លើងដាំបាយនៅក្នុងព្រៃដោយមិនពន្លត់ភ្លើងឲ្យអស់សិនមុននឹងចាកចេញ ៕
ចែករំលែកព័តមាននេះ