រាជធានីភ្នំពេញ ៖ បើតាមសេចក្តីរាយការណ៍បមឋបានឱ្យដឹងថា មុននេះ មានការប្រទះឃើញសពបុរសម្នាក់អណ្តែតទឹកដោយសភាពហើមស្អុយរលួយតែម្តង បង្កឱ្យមានការភ្ញាក់ផ្អើលឆោឡោកាលពីវេលាម៉ោង៧និង២០នាទីព្រឹក ថ្ងៃទី៣១ ខែមីនា ឆ្នាំ២០១៩ នៅលើដងទន្លេបាសាក់…
រាជធានីភ្នំពេញ ៖ បើតាមសេចក្តីរាយការណ៍បមឋបានឱ្យដឹងថា មុននេះ មានការប្រទះឃើញសពបុរសម្នាក់អណ្តែតទឹកដោយសភាពហើមស្អុយរលួយតែម្តង បង្កឱ្យមានការភ្ញាក់ផ្អើលឆោឡោកាលពីវេលាម៉ោង៧និង២០នាទីព្រឹក ថ្ងៃទី៣១ ខែមីនា ឆ្នាំ២០១៩ នៅលើដងទន្លេបាសាក់ ស្ថិតក្នុងភូមិជ្រោយ សង្កាត់ច្បារអំពៅទី១ ខណ្ឌច្បារអំពៅ ។
សេចក្តីរាយការណ៍បន្តទៀតថា មុនពេលកើតហេតុ ព្រឹកម៉ិញនេះ មានក្មេងៗអ្នកភូមិបាននាំគ្នាទៅលេងនៅម្តុំមាត់ច្រាំង ស្រាប់តែប្រទះឃើញសពបុរសខាងលើអណ្តែតមកច្រាំងក្បែរកំប្លោក ទើបបង្កឱ្យមានការភ្ញាក់ផ្អើល រួចក៏ប្តឹងសមត្ថកិច្ចឱ្យចុះត្រួតពិនិត្យនៅកន្លែងកើតហេតុតែម្តង ។
ហើយបើគិតមកត្រឹមម៉ោង១០ព្រឹកនេះ សាកសពបុរសខាងលើត្រូវបានសមត្ថកិច្ចនគរបាលជំនាញបានលើក និងដឹកយកសពបុរសរូបនេះទៅកាន់វត្តច្បារអំពៅទី២ ដើម្បីធ្វើការពិនិត្យនៅទីនោះរកមូលហេតុនៃការស្លាប់ដោយសារការលង់ទឹក ឬក៏មូលហេតុអ្វីផ្សេងទៀត ។
សូមបញ្ជាក់ថា សាកសពបុរសអណ្តែតទឹកខាងលើនេះ មានសភាពហើមស្អុយរលួស ហើយសពបុរសរងគ្រោះមានពាក់សម្លៀងបំពាក់អាវ.ស ខោពណ៌ពងមាន់។ ហើយចំពោះអត្តសញ្ញាណ និងសាច់ញាតិជនរងគ្រោះនៅមិនទាន់ស្គាល់នោះទេ ។
ចែករំលែកព័តមាននេះ