រាជធានីភ្នំពេញ ៖ ប្រធានគណបក្សភ្លើងទៀនលោកទា វណ្ណុល បានសម្តែងក្តីសង្ឃឹមថាតុលាការ និងរកយុត្តិធម៌ជូនអ្នកដែលរងគ្រោះក្នុងហេតុការគប់គ្រាប់បែក កាលពីថ្ងៃទី៣០ ខែមីនា ឆ្នាំ១៩៩៧ ឆាប់ឃើញ បន្ទាប់ពីការបញ្ចាំរឿងប៉ាវចិន ។
ថ្លែងក្នុងពិធីប្រារព្ធវិញ្ញាណក្ខន្ធអ្នកស្លាប់ ក្នុងហេតុការគប់គ្រាប់បែក កាលពីថ្ងៃទី៣០ ខែមីនា នៅមុខវិមានរដ្ឋសភា ចាត់លោកទា វណ្ណុល ប្រធានគណបក្សភ្លើងទៀនបាន លើកឡើងថា សំណុំរឿងក្នុងការគប់គ្រាប់បែកនៅមុខវិមានរដ្ឋសភាចាស់ ត្រូវបានអ្នកនាំពាក្យក្រសួងយុត្តិធម៌បានអះអាងថា នៅតែបន្តស្រាវជ្រាវស្វែងរកឃាតករដដែល ។ លោកបញ្ជាក់ថា «ខ្ញុំសង្ឃឹមថា សម្តេចតេជោ ហ៊ុនសែន ដែលស្នើឲ្យមានការចាក់កុនប៉ាវចិន ទៅក្រែងលមានការស្រាវជ្រាវរកឃាតករបានឆាប់ ដើម្បីយកផ្តន្ទាទោសតាមច្បាប់» ។
ជាមួយគ្នានោះដែរលោក ទា វណ្ណុលក៏បានលើកឡើងថា សម្រាប់សំណុំរឿងនៃការគប់គ្រាប់បែកនេះក៏បានទាក់ទង និងភ្នាក់ងារសង្ងាត់របស់សហរដ្ឋអាមេរិកហៅថា (FBI) ដែលត្រូវបានបញ្ចប់សំណុំរឿងឃាតកម្មនេះរួចហើយ ។ កាលដែលទាក់ទង និងអន្តរជាតិក្នុងចំណុំរឿងនេះដោយសារតែមានជនជាតិអាមេរិកម្នាក់បានរងរបួសក្នុងហេតុការណ៍នោះផងដែរ ។
ប្រធានគណបក្សភ្លើងទៀនរូបនេះក៏បានអំពាវនាវដល់រាជរដ្ឋាភិបាលបន្តស្វែងរកជនដៃដល់ដែលគប់គ្រាប់បែកចូលក្នុងក្រុមបាតុករ ដើម្បីមកផ្តន្ទាទោសតាមផ្លូវ ។ ព្រោះថារហូតមកពេលពេលនេះ គឺរយៈពេល២២ឆ្នាំហើយ សំណុំរឿងនេះមិនទាន់មានសញ្ញា ឬលទ្ធផលជាដុំកំភួននោះទេ ។ ដើម្បីឲ្យជនរងគ្រោះស្ងប់ចិត្តនៅ ។ លោកគូសបញ្ជាក់ «ដោយសារក្រសួងយុត្តិធម៌មិនសូវធ្វើការ ដូច្នេះដោយសារសម្តេចតេជោឲ្យចាក់កុកប៉ាវចិន ដើម្បីចង់កែទម្រង់ប្រព័ន្ធយុត្តិធម៌នោះអីញ្ចឹងខ្ញុំសង្ឃឹមថា ក្នុងរយៈពេលខាងមុខដ៏ខ្លីនេះនឹងរកយុត្តិធម៌ជូនជនរងគ្រោះ ដែលបានកើតឡើងនៅថ្ងៃទី៣០ ខែមីនា ឆ្នាំ១៩៩៧»។
ចំណែកលោកសុខ ឥសាន អ្នកនាំពាក្យគណបក្សប្រជាជនកម្ពុជាបានលើកឡើងថា ថ្ងៃទី៣០ខែមីនា ២០១៩នេះ គឺជាខួបទី២២ឆ្នាំ នៃសោកនាដកម្មនៅជិតវិមានរដ្ឋសភាចាស់ គឺជាខួបទី២២ឆ្នាំ នៃការផ្ទុះគ្រាប់បែកនៅជិតវិមានរដ្ឋសភាចាស់ ដែលបណ្តាលឲ្យមានមនុស្សស្លាប់ និងរបួសជាច្រើននាក់ ។
ដូច្នេះ ទោះបីកន្លងផុតទៅអស់រយៈពេលជាងម្ភៃឆ្នាំយ៉ាងណាក៏ដោយក៏វិញ្ញាណក្ខន្ធនៃអ្នករងគ្រោះនៅតែតាមចងកម្មចងពៀរជាមួយអាអ្នកដឹកនាំបាតុកម្មបង្កហិង្សានេះដែរ រហូតទល់តែពួកនេះធ្លាក់នរកអស់ទើបសុខចិត្ត ។
សូមជម្រាបថា ករណីឃាត់កម្ម កាលពីថ្ងៃទី៣០ ខែមីនា ឆ្នាំ១៩៩៧ នៅមុខវិមានរដ្ឋសភាចាស់ចូលក្នុងក្រុមបាតុកម្មបានធ្វើឲ្យមានមនុស្សស្លាប់ចំនួន១៦នាក់ និងរបួសជាង២០០នាក់ ៕
ចែករំលែកព័តមាននេះ