រាជធានីភ្នំពេញ ៖ រថយន្តបាញ់បេតុងបើកមិនប្រយ័ត្នទៅទាក់ជាមួយខ្សែភ្លើងកាត់ទទឹងផ្លូវបណ្តាលអោយដាច់រាយប៉ាយ និងទាញទៅប៉ះស្លាកគណបក្សរងការខូចខាត កាលពីម៉ោង៩និង៣០នាទីយប់ថ្ងៃទី៣០ មីនា ឆ្នាំ២០១៩ នៅតាមបណ្តោយផ្លូវបេតុងកែងផ្លូវវ៉េងស្រេង ភូមិត្រពាំងថ្លឹង១ សង្កាត់ចោមចៅ១…
រាជធានីភ្នំពេញ ៖ រថយន្តបាញ់បេតុងបើកមិនប្រយ័ត្នទៅទាក់ជាមួយខ្សែភ្លើងកាត់ទទឹងផ្លូវបណ្តាលអោយដាច់រាយប៉ាយ និងទាញទៅប៉ះស្លាកគណបក្សរងការខូចខាត កាលពីម៉ោង៩និង៣០នាទីយប់ថ្ងៃទី៣០
មីនា ឆ្នាំ២០១៩ នៅតាមបណ្តោយផ្លូវបេតុងកែងផ្លូវវ៉េងស្រេង ភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ។
តាមប្រភពពីកន្លែងកើតហេតុឲ្យដឹងថា មុនពេលកើតហេតុ គេឃើញរថយន្តប្រភេទបាញ់បេតុង ម៉ាកហ៊ីណូ ពណ៌ស ពាក់ស្លាកលេខ ភ្នំពេញ ៥A-២៥៣៤ បានបើកចេញពីម្តុំរោងចក្រដំបូលខៀវលើផ្លូវបេតុង ក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើក៏បានទាក់ជាមួយខ្សែភ្លើងកាត់ទទឹងផ្លូវ បណ្តាលអោយដាច់ និងទាញទៅប៉ះស្លាកគណបក្សធ្វើឱ្យបាក់រងការខូចខាត ។
ប្រភពដដែលឲ្យដឹងទៀតថា ក្រោយពេលកើតហេតុ អាជ្ញាធរក៍ដូចសមត្ថកិច្ចរវល់តែមើលខ្សែភ្លើងដាច់រាយប៉ាយតាមដងផ្លូវ ស្រាប់តែរថយន្តបង្កបានបើកគេចចេញទៅបាត់ បណ្តាលអោយភ្ញាក់ផ្អើលដល់សមត្ថកិច្ចនិងប្រជាការពារដេញចាប់រថយន្តខាងលើបានមកវិញ ក្រោយពេលចាប់ឃាត់រថយន្តខាងលើបាន ទើបមានតំណាងរថយន្តបង្កចេញមុខមកដោះស្រាយដោយព្រមចេញសំណងថ្លៃខូចខាតទាំងអស់តែម្តង (ខ្សែភ្លើង និងស្លាកគណបក្ស) ដើម្បីបញ្ចប់រឿង ៕
ចែករំលែកព័តមាននេះ