ខេត្តកំពង់ធំ ៖ បុរសជាប្តីផឹកស្រវឹងបានប្រើហិង្សា ដោយយកកាំភ្លើងច្នៃមកបាញ់ប្រពន្ធ បណ្តាលឱ្យរបួសធ្លាយពោះ (ជាផ្លែព្រួញ) កើតឡើងកាលពីវេលាម៉ោង០៧ និង១៥នាទីយប់ថ្ងៃទី២៩ មីនា ស្ថិតក្នុងភូមិដងអន្ទាក់…
ខេត្តកំពង់ធំ ៖ បុរសជាប្តីផឹកស្រវឹងបានប្រើហិង្សា ដោយយកកាំភ្លើងច្នៃមកបាញ់ប្រពន្ធ បណ្តាលឱ្យរបួសធ្លាយពោះ (ជាផ្លែព្រួញ) កើតឡើងកាលពីវេលាម៉ោង០៧ និង១៥នាទីយប់ថ្ងៃទី២៩ មីនា ស្ថិតក្នុងភូមិដងអន្ទាក់ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។
សេចក្តីរាយការណ៍បន្តថា ជនសង្ស័យបានគេចខ្លួនបាត់ មានឈ្មោះ ហុឹម ហួន អាយុ៥៥ឆ្នាំ ។ រីឯប្រពន្ធឈ្មោះ ម៉ោញ យិន អាយុ៤៥ឆ្នាំ របួសចំចង្កេះខាងឆ្វេងធ្លាយមកមុខជាប់ផ្លែព្រួញ ។ ប្រភពបន្តថា មុនពេលកើតហេតុ ពួកគេបានឈ្លោះប្រកែក តែមិនដឹងថា ផ្តើមចេញពីអ្វីនោះទេ ។
ក្រោយមក ស្រាប់តែប្តីបានយកកាំភ្លើងច្នៃនោះ មកបាញ់លើប្រពន្ធបណ្តាលឱ្យរបួស ។ បន្ទាប់មក ជនបង្កជាប្តី ដែលស្ថិតក្នុងស្ថានភាពស្រវឹងនោះបានគេចខ្លួនបាត់ បន្ទាប់ពីដឹងថា ប្រពន្ធរបួស ។ បច្ចុប្បន្ន សមត្ថកិច្ចកំពុងតាមស្វែងរកចាប់ខ្លួនបុរសជាប្តីរូបនោះ ។
ចែករំលែកព័តមាននេះ