ខេត្តបន្ទាយមានជ័យ ៖ ជនប្រុសស្រី៤នាក់ដែលគេដឹងថា ទើបចេញពីពន្ធនាគារ ត្រូវបានឃាត់ខ្លួនកាលពីថ្ងៃទី២៨ ខែមីនា នៅស្រុកម៉ាឡៃ ពីបទជួញដូរសារធាតុញៀនជិត៤.០០០គ្រាប់ និងខេទឹកកកមួយចំនួន ។តាមព័ត៌មានពីហ្វេសបុ៊ករបស់លោកឧត្តម…
ខេត្តបន្ទាយមានជ័យ ៖ ជនប្រុសស្រី៤នាក់ដែលគេដឹងថា ទើបចេញពីពន្ធនាគារ ត្រូវបានឃាត់ខ្លួនកាលពីថ្ងៃទី២៨ ខែមីនា នៅស្រុកម៉ាឡៃ ពីបទជួញដូរសារធាតុញៀនជិត៤.០០០គ្រាប់ និងខេទឹកកកមួយចំនួន ។
តាមព័ត៌មានពីហ្វេសបុ៊ករបស់លោកឧត្តម សេនីយ៍ទោ អាត់ ខែម ស្នងការនគរបាលខេត្ត ឱ្យដឹងថា កម្លាំងនគរបាលស្រុកម៉ាឡៃ សហការជាមួយនគរបាលការិយាល័យប្រឆាំងបទល្មើសគ្រឿងញៀនខេត្ត បានបង្ក្រាបបទល្មើសគ្រឿងញៀនជួញដូរសារធាតុញៀននេះ ។
តាមព័ត៌មានដែលបានផុស ឃើញមានរូប ភាពជនសង្ស័យចំនួន៤នាក់ គឺប្រុសម្នាក់និងស្រី្ត៣នាក់ ព្រមទាំងរថយន្ត១គ្រឿង ដែលត្រូវបាននគរបាលនាំយកទៅធ្វើការឆែកឆេរក្នុងរថយន្ត និងរកឃើញវត្ថុតាងគ្រឿងញៀនក្នុងរថយន្ត ។លោកស្នងការ អាត់ ខែម បញ្ជាក់ថា ជនសង្ស័យដែលត្រូវបានឃាត់ខ្លួននេះ គឺជាមុខសញ្ញាដែលទើបចេញពីពន្ធនាគារ ហើយធ្វើសកម្មភាពជួញដូរសារធាតុញៀន ។
ទាក់ទិននឹងការឃាត់ខ្លួនជនសង្ស័យប្រុសស្រី៤នាក់ជួញដូរគ្រឿងញៀននេះដែរ អ្នកយកព័ត៌មានបានទាក់ទងសាកសួរទៅលោកអធិការនគរបាលស្រុកម៉ាឡៃ និងលោកស្នងការរងទទួលផ្នែកប្រឆាំងបទល្មើសគ្រឿងញៀនខេត្ត ត្រូវបានប្រាប់ថា មិនទាន់ហ៊ានផ្តល់ព័ត៌មានជូននៅឡើយទេ ព្រោះកំពុងស្រាវជ្រាវបន្តទៀត ៕
ចែករំលែកព័តមាននេះ