រាជធានីភ្នំពេញ ៖ បុរសម្នាក់ស្រវឹងស្រាបើករថយន្តម៉ាកឡិចស៊ីស350 ក្នុងល្បឿនលឿនហើយក៏ជ្រុកទៅបុកម៉ូតូមួយគ្រឿង បណ្តាលឱ្យមនុស្សរងរបួសធ្ងន់ ។ ហើយជននោះបានព្យាយាមបើករថយន្តគេចបន្តទៀត ស្រាប់តែជ្រុលបុកបន្ថែមជាមួយរថយន្តកាមរីបាឡែនមួយគ្រឿងទៀត បណ្តាលឱ្យរងការខូចខាត ហើយពេលនោះ…
រាជធានីភ្នំពេញ ៖ បុរសម្នាក់ស្រវឹងស្រាបើករថយន្តម៉ាកឡិចស៊ីស350 ក្នុងល្បឿនលឿនហើយក៏ជ្រុក
ទៅបុកម៉ូតូមួយគ្រឿង បណ្តាលឱ្យមនុស្សរងរបួសធ្ងន់ ។ ហើយជននោះបានព្យាយាមបើករថយន្តគេច
បន្តទៀត ស្រាប់តែជ្រុលបុកបន្ថែមជាមួយរថយន្តកាមរីបាឡែនមួយគ្រឿងទៀត បណ្តាលឱ្យរងការខូចខាត ហើយពេលនោះ សមត្ថកិច្ចសម្រេចចិត្តផ្ទុះអាវុធ២គ្រាប់ ទើបឃាត់បានទាំងរថយន្តនិងអ្នកបើកបរនោះ ។
ហេតុការណ៍នេះ កើតឡើងកាលពីវេលាម៉ោង០៩ និង៣០នាទីយប់ថ្ងៃទី២៩ មីនា ស្ថិតតាមបណ្តោយផ្លូវព្រះសីហនុ ត្រង់ចំណុចក្បែរវត្តមហាមន្ត្រី ក្នុងសង្កាត់វាល ខណ្ឌ៧មករា ។ សាក្សីដែលឃើញហេតុការណ៍ថា មុនពេលកើតហេតុ គេបានឃើញបុរសម្នាក់មិនស្គាល់អត្តសញ្ញាណនោះទេ បើករថយន្តមួយគ្រឿងម៉ាកឡិចស៊ីស350 ពណ៌.ស ពាក់ស្លាកលេខ សៀមរាប 2A-1830 បើកបរតាមបណ្តោយផ្លូវជាតិលេខ១ក្នុងទិសដៅពីកើតទៅលិច ខណៈពេលបើកមកដល់ចំណុចកើតហេតុខាងលើនេះ ដោយសារតែម្ចាស់រថយន្តគាត់ស្រវឹងស្រា ហើយបើកបរក្នុងល្បឿនយ៉ាងលឿនមិនបានប្រុងប្រយ័ត្នក៏ជ្រុលទៅបុកម៉ូតូមិនស្គាល់ម៉ាកចំពេញទំហឹង បណ្តាលអោយរងរបួសធ្ងន់ធ្ងរសន្លប់ស្តូកស្តឹង ។
រថយន្តបង្កមិនបានឈប់នៅមើលជនរងគ្រោះនោះទេ ព្យាយាមបើករត់គេចខ្លួនទៅដល់ផ្លូវ466កែងផ្លូវ63ក៏ជ្រុលទៅបុករថយន្តមួយគ្រឿងទៀតម៉ាកកាមរីបាឡែនពណ៌ស្ករពាក់ស្លាកលេខភ្នំពេញ2P5751ចំពាក់កណ្តាលរថយន្តពេញទំហឹងបណ្តាលអោយរងការខូចខាតក្រពិតទ្វាមុខក្រោយយ៉ាងដំណំ ប៉ុន្តែរថយន្តបង្កនៅតែមិនព្រមឈប់ដោះស្រាយទៀត ក៏បន្តបើករត់គេចខ្លួនទាំងរថយន្តបែកកង់ខាងក្រោយរហូតទៅដល់ចំណុចផ្លូវព្រះសីហនុនៅចំណុចក្បែរនឹងវត្តមហាមន្ត្រីត្រូវបានសមត្ថកិច្ចឃាត់អត់ឈប់ក៏ផ្ទុះអាវុធចំនួន2គ្រាប់ ក្រោយមកក៏តាមជននោះរហូតឃាត់បានទាំងរថយន្តនឹងម្ចាស់រថយន្តបង្ក ។
ក្រោយពេលកើតហេតុរថយន្តនឹងម៉ូតូត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋានខណ្ឌច្បារអំពៅ ដើម្បីដោះស្រាយគ្នានៅពេលក្រោយទៀត ។
ចែករំលែកព័តមាននេះ