ខេត្តបាត់ដំបង ៖ សេចក្ដីរាយការណ៍បានឱ្យដឹងថា ប្រជាពលរដ្ឋម្នាក់បានដុតគំនរសំរាមនៅក្បែរផ្ទះ ស្រាប់តែប៉ះចំគ្រាប់មីនដោយចៃដន្យ បណ្ដាលឱ្យផ្ទុះផ្អើលពេញភូមិ កាលពីវេលាម៉ោងម៉ោង០៨ និង១០នាទីថ្ងៃទី២៩ មីនា ស្ថិតក្នុងភូមិអូរល្វា…
ខេត្តបាត់ដំបង ៖ សេចក្ដីរាយការណ៍បានឱ្យដឹងថា ប្រជាពលរដ្ឋម្នាក់បានដុតគំនរសំរាមនៅក្បែរផ្ទះ ស្រាប់តែប៉ះចំគ្រាប់មីនដោយចៃដន្យ បណ្ដាលឱ្យផ្ទុះផ្អើលពេញភូមិ កាលពីវេលាម៉ោងម៉ោង០៨ និង១០នាទីថ្ងៃទី២៩ មីនា ស្ថិតក្នុងភូមិអូរល្វា ឃុំជ្រៃសីម៉ា ស្រុកសំពៅលូន តែការផ្ទុះនេះមិនបង្កគ្រោះថ្នាក់ដល់មនុស្សនោះទេ ។
សមត្ថកិច្ខបានឱ្យដឹងទៀតថា ពលរដ្ឋឈ្មោះអាង រឿន ភេទស្រី អាយុ៤៨ឆ្នាំ បានរាយការណ៍ប្រាប់សមត្ថកិច្ចថា គាត់បានប្រមូលសំរាមយកទៅដុតនៅក្បែរផ្ទះ តែមិនបានដឹងថា នៅក្រោមសំរាមនោះមានគ្រាប់មីនទេ ។ លុះពេលគាត់ដុតឆេះ ស្រាប់តែផ្ទុះលាន់កក្រើកផ្អើលពេញភូមិតែម្ដង តែសំណាងល្អគាត់ដើរចេញផុតពីពំនូកភ្លើងនោះបន្តិច ។
បើតាមសមត្ថកិច្ចដែលចុះពិនិត្យកន្លែងកើតហេតុបានឱ្យដឹងថា បើតាមការពិនិត្យកន្លែងផ្ទុះគ្រាប់មីននោះអាចកប់នៅក្នុងដី។ គ្រាប់នោះ អាចជាប្រភេទគ្រាប់មីន៦៩ ព្រៃនៅកន្លែងផ្ទះគេឃើញុំានអំបែងគ្រាប់ជាច្រើនបានខ្ទាតត្រូវជញ្ជាំងផ្ទះ តែមិនបង្កគ្រោះដល់ម្ចាស់ផ្ទះទេ។
បើតាមសមត្ថកិច្ចដដែលបានបញ្ជាក់ដែរថា គ្រាប់មីន៦៩នេះ ជាគ្រាប់ដែលសេសសល់ពីសម័យសង្គ្រាម ហើយវាជារឿងចៃដន្យបំផុត ដែលម្ចាស់ផ្ទះបោសសំរាមយកទៅគរដុតលើគ្រាប់មីនទាន់ផ្ទុះនេះ តែសំណាងល្អមិនមានគ្រោះថ្នាក់នោះទេ ។
ចែករំលែកព័តមាននេះ