គ្រូអាហ្សង់ទីនថា Messi នឹងលេចមុខឱ្យក្រុមពពក.សនៅ Copa America
តាមប្រភពព័ត៌មាន Bleacher Report បានឱ្យដឹងថា គ្រូបង្វឹករបស់ក្រុមជម្រើសជាតិអាហ្សង់ទីន លោក Lionel Scaloni បញ្ជាក់ថា Lionel…
តាមប្រភពព័ត៌មាន Bleacher Report បានឱ្យដឹងថា គ្រូបង្វឹករបស់ក្រុមជម្រើសជាតិអាហ្សង់ទីន លោក Lionel Scaloni បញ្ជាក់ថា Lionel Messi នឹងលេងឱ្យក្រុមរបស់លោក នៅក្នុងការប្រកួត Copa America នៅប្រេស៊ីល ។
កីឡាករជើងខ្លាំងរបស់អាហ្សង់ទីន បានបង្ហាញមុខនៅក្នុងក្រុមជាលើកដំបូងសម្រាប់ឆ្នាំនេះ នៅសប្តាហ៍មុន ក្នុងការប្រកួតជាមួយនឹង Venezuela។ បើទោះបីជាមានវត្តមានរូបគេក៏ដោយ ក្រុមខាងអាហ្សង់ទីននៅតែចាញ់ក្នុងលទ្ធផល 3-1 ។
ពេលនេះ Messi កំពុងតែមានរបួសត្រង់ក្រលៀន (គល់ភ្លៅ) ដែលមានន័យថា គេមិនអាចទៅប្រកួតជាមួយនឹង Morocco បានទេ តែបើតាមលោក Lionel Scaloni បានឱ្យដឹងថា Messi នឹងឡើងទៅប្រកួតជាមួយក្រុមរបស់លោក នៅក្នុងការប្រកួត Copa America នាពេលខាងមុខនេះ ។
គួរបញ្ជាក់ផងដែរថា ការប្រកួត Copa America នឹងចាប់ផ្តើមនៅថ្ងៃទី១៤ ខែមិថុនា ខាងមុខនេះ ហើយក្រុមអាហ្សង់ទីនស្ថិតនៅក្នុង Group B ជាមួយនឹង Colombia, Paraguay និង Qatar៕
ចែករំលែកព័តមាននេះ