ក្រោយត្រូវគេចាក់កងពេលនេះ Ronaldo ត្រូវធ្វើតេស្តនៅព័រទុយហ្កាល់
តាមប្រភពព័ត៌មាន Goal បានឱ្យដឹងថា កីឡាករ Cristiano Ronaldo កំពុងតែនៅព័រទុយហ្កាល់ធ្វើតេស្ត ក្រោយពីរងរបួសពេលជួបជាមួយនឹង Serbia កាលពីថ្ងៃចន្ទ…
តាមប្រភពព័ត៌មាន Goal បានឱ្យដឹងថា កីឡាករ Cristiano Ronaldo កំពុងតែនៅព័រទុយហ្កាល់ធ្វើតេស្ត ក្រោយពីរងរបួសពេលជួបជាមួយនឹង Serbia កាលពីថ្ងៃចន្ទ ។ គេត្រូវបង្ខំចិត្តចេញពីការប្រកួតនៅនាទីទី៣០ ក្រោយពីមានរបួសជើង។ ខាងព័រទុយហ្កាល់បានស្មើគ្នាក្នុងការប្រកួតជាមួយនឹងលទ្ធផល 1-1 ។
ចំពោះសាមីខ្លួន Ronaldo មានជំនឿទុកចិត្តលើខ្លួនឯងថានឹងអាចចូលប្រកួតវិញនៅមួយសប្តាហ៍ឬពីរសប្តាហ៍ខាងមុខនេះ។ ការលើកឡើងរបស់ Ronaldo មានភាពត្រឹមត្រូវ ដោយសារតែការធ្វើតេស្តនៅព័រទុយហ្កាល់ក៏បង្ហាញលទ្ធផលបែបនេះដែរ ។
បើទោះបីជាដូច្នេះក៏ដោយ Ronaldo ក៏ត្រូវធ្វើតេស្តម្តងទៀតដែរនៅអ៊ីតាលី ពេលទៅប្រកួតឱ្យ Juventus។ ក្លិបសង្ឃឹមថា Ronaldo នឹងអាចចូលលេងនៅក្លិបរបស់ខ្លួនវិញមុនថ្ងៃ១០ ខែមេសា នៅពេលប្រកួតជាមួយនឹង Ajax នៅក្នុងការដណ្តើម Champions League ៕
ចែករំលែកព័តមាននេះ