បារាំងនិងចិនស្នើឲ្យមានកិច្ចសហប្រតិបត្តិការរវាង EU និងចិនបន្ថែម
ទីក្រុងប៉ារីស ៖ យោងតាមភ្នាក់ងារសារព័ត៌មាន Channel NewsAsia បានឲ្យដឹងកាលពីថ្ងៃទី២៦ មីនា កន្លងមកថា លោកប្រធានាធិបតី ស៊ី…
ទីក្រុងប៉ារីស ៖ យោងតាមភ្នាក់ងារសារព័ត៌មាន Channel NewsAsia បានឲ្យដឹងកាលពីថ្ងៃទី២៦ មីនា កន្លងមកថា លោកប្រធានាធិបតី ស៊ី…
ទីក្រុងប៉ារីស ៖ យោងតាមភ្នាក់ងារសារព័ត៌មាន Channel NewsAsia បានឲ្យដឹងកាលពីថ្ងៃទី២៦ មីនា កន្លងមកថា លោកប្រធានាធិបតី ស៊ី ជិនពីង (Xi Jinping) របស់ប្រទេសចិន និងលោកប្រធានាធិបតី Emmanuel Macron របស់ប្រទេសបារាំងបានស្នើកាលពីថ្ងៃចន្ទ ឲ្យមានកិច្ចសហប្រតិបត្តិការរវាងសហភាពអ៊ឺរ៉ុប (EU) និងប្រទេសចិនបន្ថែម ខណៈដែលកំពុងមានការព្រួយបារម្ភកាន់តែខ្លាំងឡើងទាក់ទិននឹងការវិនិយោគរបស់ប្រទេសចិនក្នុងតំបន់ ។
លោក Macron បានស្នើឲ្យមានការចាប់ដៃគូរវាងអ៊ឺរ៉ុប និងប្រទេសចិនដោយរឹងមាំ និងបានបន្ថែមថា វាត្រូវតែយោងតាមភាពពហុភាគី និងការធ្វើពាណិជ្ជកម្មដែលយុត្តិធម៌ និងមានលំនឹង ។ ជាមួយគ្នានេះផងដែរ លោកស៊ី បាននិយាយប្រាប់ដល់សារព័ត៌មានថា «ប្រទេសចិននឹងតែងតែគាំទ្រការធ្វើសមាហរណកម្មអ៊ឺរ៉ុប និងការអភិវឌ្ឍន៍របស់តំបន់នេះ»។
ប្រសាសន៍របស់អ្នកដឹកនាំខាងលើត្រូវបានថ្លែងឡើងបន្ទាប់ពីមានការចុះកិច្ចព្រមព្រៀងជាច្រើនស្តីពីអាវុធនុយក្លេអ៊ែរ ការផ្លាស់ប្តូរវប្បធម៌ ថាមពលបៃតង និងកិច្ចព្រមព្រៀងដ៏ធំដែលប្រទេសចិនទិញយន្តហោះ Airbus A320 ចំនួន ២៩០ គ្រឿង និង A350 ចំនួន ១០គ្រឿងផងដែរ ។
កិច្ចព្រមព្រៀងទាំងអស់ដែលរួមមានការនាំចេញសាច់មាន់ពីបារាំងទៅកាន់ប្រទេសចិនសរុបមានតម្លៃប្រមាណ៤០ប៊ីលានដុល្លារឯណោះ ។ មុនពេលទស្សនៈកិច្ចទៅកាន់ប្រទេសបារាំង លោកប្រធានាធិបតី ស៊ី បានធ្វើដំណើរទៅកាន់អ៊ីតាលីដែលជាប្រទេស G7 ដំបូងដែលចូលរួមក្នុងគម្រោងហេដ្ឋារចនាសម្ព័ន្ធផ្លូវសូត្រថ្មីរបស់ប្រទេសចិនដែលបង្កជាកង្វល់សម្រាប់សហរដ្ឋអាមេរិក និងសហភាពអ៊ឺរ៉ុបផងដែរ ។
លោកប្រធានាធិបតី Macron ក៏បានប្រកាសថាប្រទេសបារាំង និងចិននឹងសហការលើគម្រោងវិនិយោគជាច្រើនដែរក្នុងប្រទេសមួយចំនួនក្នុងការរៀបចំសម្រាប់គម្រោងផ្លូវសូត្រថ្មីនេះ ៕
ចែករំលែកព័តមាននេះ