ខេត្តបន្ទាយមានជ័យ ៖ ទីបំផុត ព័ត៌មានដែលគេតែងតែឃើញមានបង្ហោះតាមយូធូប(YouTube) ឬ
ហ្វេសប៊ុក ជាព័ត៌មាននយោបាយដ៏រសើបនានា ហើយជាព័ត៌មានមិនពិតនោះ កាលពីថ្ងៃទី២៦ ខែមីនា វេលាម៉ោង៩ព្រឹក កម្លាំងនគរបាលព្រហ្មទណ្ឌខេត្ត និងនគរបាលក្រុងសិរីសោភ័ណ ដោយសហការជាមួយនគរ បាលនាយកដ្ឋានប្រឆាំងបទល្មើសបច្ចេកវិទ្យា បានចុះអនុវត្តដីកាបញ្ជាឲ្យចូលខ្លួនលេខ០៩៨ ចុះថ្ងៃទី២៦ ខែមីនា ឆ្នាំ២០១៩ ចេញដោយលោក កែវ សុធា ព្រះរាជអាជ្ញាអមសាលាដំបូងរាជធានីភ្នំពេញ ដែលមាន ឈ្មោះ វឿន គឹមលន់ ភេទប្រុស អាយុ២៤ឆ្នាំ រស់នៅភូមិព្រហូត សង្កាត់អូរអំបិល ក្រុងសិរីសោភ័ណ ពាក់ ព័ន្ធនឹងករណីបង្ហោះ និងចែករំលែកព័ត៌មានមិនពិតតាមបណ្តាញសង្គម ។
ការឃាត់ខ្លួននេះ មានការអនុញ្ញាត និងសម្របសម្រួលនីតិវិធីពីលោក សុក កែវបណ្ឌិត ព្រះរាជអាជ្ញារងអមសាលាដំបូងខេត្តបន្ទាយមានជ័យ រួចក៏បានប្រគល់ឱ្យនាយកដ្ឋានប្រឆាំងបទល្មើសបច្ចេកវិទ្យាទទួលចាត់ការបន្ត ។ មិនទាន់មានព័ត៌មានលម្អិតក្រៅការឃាត់ខ្លួននេះទេ តែបើតាមការបន្លុយឱ្យដឹង នេះគឺជាការបង្ហោះព័ត៌មានមិនពិត ដែលបានបំពុលសង្គមគួរឱ្យកត់សម្គាល់ ៕
ចែករំលែកព័តមាននេះ