រាជធានីភ្នំពេញ ៖ ដោយមានកិច្ចសហការពីអគ្គនាយកដ្ឋានកាំកុងត្រូល នៃក្រសួងពាណិជ្ជកម្ម រដ្ឋបាលរាជធានីភ្នំពេញ កាលពីព្រឹកថ្ងៃទី២៨ ខែមីនា ឆ្នាំ២០១៩នេះ បានរៀបចំផ្សព្វផ្សាយស្តីអំពី «…
រាជធានីភ្នំពេញ ៖ ដោយមានកិច្ចសហការពីអគ្គនាយកដ្ឋានកាំកុងត្រូល នៃក្រសួងពាណិជ្ជកម្ម រដ្ឋបាលរាជធានីភ្នំពេញ កាលពីព្រឹកថ្ងៃទី២៨ ខែមីនា ឆ្នាំ២០១៩នេះ បានរៀបចំផ្សព្វផ្សាយស្តីអំពី « ស្តីពីសុវត្ថិភាពម្ហូបអាហារ និងការពារ អ្នកប្រើប្រាស់» ដល់ក្រុមអាជីវករ ដើម្បីណែនាំឲ្យយល់ដឹងអំពីប្រព័ន្ធគ្រប់គ្រងសុវត្ថិភាពម្ហូបអាហារ និងមានស្មារតីទទួលខុសត្រូវខ្ពស់បំផុត ។
លោកនួន ផារ័ត្ន អភិបាលរងរាជធានីភ្នំពេញ បានថ្លែងថា ក្នុងគោលបំណង នៃការផ្សព្វផ្សាយនេះ ដើម្បីណែនាំដល់អ្នកនាំចូល អ្នកផលិត អ្នកចែកចាយម្ហូបអាហារ ឲ្យមានការយល់ដឹងអំពីប្រព័ន្ធគ្រប់គ្រង សុវត្ថិភាពម្ហូបអាហារ ផលប៉ះពាល់ដែលបណ្តាល មកពីការប្រើប្រាស់ សារធាតុគីមីហាមឃាត់ក្នុងម្ហូបអាហារ ក៏ដូចជាកង្វះអនាម័យ ក្នុងម្ហូបអាហារជាដើម។
លោកបន្តថា អាជីវករត្រូវសហការ ធ្វើយ៉ាងណាទប់ស្កាត់របស់ខូចគុណភាព និងត្រូវលក់ជូនអ្នកប្រើប្រាស់ នូវអាហារ ដែលមានគុណភាពល្អ ព្រោះជំងឺយើងមិនអាចមើលឃើញនោះទេ ។ ដូច្នេះការគ្រប់គ្រងអាជីវកម្ម ជារឿងសំខាន់ ដើម្បីប្រាកដថាការគ្រប់គ្រងសុវត្ថិភាព ចំណីអាហាររបស់យើងមានសុវត្ថិភាព ..ក្នុងន័យនេះលោកថា ការចូលរួមរបស់អាជីវករ និងបងប្អូនប្រជាពលរដ្ឋ និងធ្វើអោយកម្មវិធីសុវត្ថិភាពម្ហូបអាហារ និងការពារអ្នកប្រើប្រាស់របស់យើង ទទួលបានជោគជ័យ ព្រោះបើគ្មានការចូលរួមពីពួកគាត់ ក៏មិនទទួលបានជោគជ័យនោះដែរ។
ចំណែកលោកគឹម មាសសុខសីហា អគ្គនាយករងអគ្គនាយកដ្ឋានកាំកុងត្រូល ក្នុងបទបង្ហាញបានបញ្ជាក់ថា បញ្ហាសុវត្ថិភាពម្ហូបអាហារ នឹងបញ្ហាផលិតផលសុទ្ធតែបានផ្សារភ្ជាប់ជាមួយ នឹងស្ថានភាព នៃជីវភាពរស់នៅ របស់បងប្អូនប្រជាពលរដ្ឋ យើងគ្រប់មជ្ឈដ្ឋានជាន់ថ្នាក់ទាំងអស់ថា មិនមែនតែពួកយើងដែលជាសមត្ថកិច្ចមិនមែន ដែលជាអាជ្ញាធរគ្រប់លំដាប់ថ្នាក់ ឬក៏អ្នករកស៊ីលក់ដូរ របស់អាជីវករ អ្នកវិនិយោគកម្ពុជា ពលរដ្ឋទូទៅទាំងអស់គ្នា សុទ្ធតែមានភាពជាប់ពាក់ព័ន្ធ ជាមួយនឹងបញ្ហាម្ងូបអាហារ ក៏ដូចជា ផលិតផលប្រើប្រាស់ផ្សេងៗ ក្រៅពីម្ហូបអាហារផងដែរ ។
លោកបន្ថែមថា បញ្ហាសុវត្ថិភាពម្ហូបអាហារនេះ មិនមែនមានត្រឹមតែអ្វី ដែលយើងកង្វល់សម្រាប់តែកម្ពុជាមួយទេ គឺការកង្វល់ទាក់ទង ជាមួយនឹងសុវត្ថិភាព ផ្នែកផលិតផលម្ហូបអាហារ ក៏ដូចជាផលិតផលប្រើប្រាស់ផ្សេងទៀត គឺជាបញ្ហារួម បញ្ហាសកល ហើយបញ្ហាដោយសុវត្ថិភាពម្ហូបអាហារ ក៏ដូចជាករណីកម្រ ជាយថាហេតុ ពិសេសបញ្ហាពុលចំណី គឺមិនមែនកើតមានឡើង នៅតែកម្ពុជាទេនោះ ទេសូម្បីតែប្រទេសជឿនលឿន ដែលមានបច្ចេកវិទ្យានវិទ្យាសាស្ត្រជឿនលឿន មន្ទីរពិសោធន៍ ប្រទេសរីកចម្រើនខ្លាំង ដូចជាអាមេរិកជាដើមនោះ ក៏នៅតែមានករណីមួយឆ្នាំៗ មានករណីពុលអាហារ ដល់អាយុជីវិតច្រើនផងដែរ ។
ដូច្នេះហើយបានជាយើងចាត់ទុក វិធានការនេះ ធ្វើយ៉ាងម៉េចបង្ការកុំអោយមានបាតុភាព កើតឡើងជាយថាហេតុការ កាត់បន្ថយហានិភ័យ ឬក៏កាត់បន្ថយគ្រោះថ្នាក់ទាកទង ជាមួយនឹងកត្តាអ្វីខ្លះ? ដែលនាំអោយថ្នាក់ ដល់សុខភាព ពាក់ព័ន្ធនឹងផលិតផលម្ហូបអាហារ ៕
ចែករំលែកព័តមាននេះ