រាជធានីភ្នំពេញ៖ បុរសជាឪពុកចិញ្ចឹមម្នាក់ត្រូវបានកម្លាំងនគរបាលប៉ុស្តិ៍ឃ្មួញ ឃាត់ខ្លួន កាលពីម៉ោងប្រមាណ១០ព្រឹក ថ្ងៃទី២៧ ខែមីនា ឆ្នាំ២០១៩ បន្ទាប់ពីធ្វើសកម្មភាពចាប់រំលោភកូនស្ត្រីចិញ្ចឹមអាយុ១៦ឆ្នាំ បានសម្រចជាបន្តបន្ទាប់ និងគំរាមសម្លាប់…
រាជធានីភ្នំពេញ៖ បុរសជាឪពុកចិញ្ចឹមម្នាក់ត្រូវបានកម្លាំងនគរបាលប៉ុស្តិ៍ឃ្មួញ ឃាត់ខ្លួន កាលពីម៉ោងប្រមាណ១០ព្រឹក ថ្ងៃទី២៧ ខែមីនា ឆ្នាំ២០១៩ បន្ទាប់ពីធ្វើសកម្មភាពចាប់រំលោភកូនស្ត្រីចិញ្ចឹមអាយុ១៦ឆ្នាំ បានសម្រចជាបន្តបន្ទាប់ និងគំរាមសម្លាប់ តែចុងក្រោយ ត្រូវនាងខាំដៃ និងរើបំរះរត់គេចខ្លួន ហើយប្រាប់ម្តាយនាំមកប្តឹងសម្ថកិច្ច។
ជនសង្ស័យខាងលើ ត្រូវបាននគរបាលឱ្យដឹងថា ឈ្មោះ ភា សាម៉ឺន អាយុ៤៨ឆ្នាំ ជាអ្នកនេសាទ ស្នាក់នៅផ្ទះលេខ៣៨ ផ្លូវ២០៩ ភូមិសំរោង សង្កាត់ឃ្មួញ ខណ្ឌសែនសុខ ចំណែក ក្មេងស្រីរងគ្រោះអាយុ១៦ឆ្នាំ។
តាមនគរបាលខណ្ឌសែនសុខ បានឱ្យដឹងថា ក្មេងស្រីរងគ្រោះ ត្រូវជនសង្ស័យខាងលើយកមកចិញ្ចឹមទុកដូចជាកូននៅឆ្នាំ២០០២ តាំងពីនាងនៅតូចមិនទាន់ដឹងក្តី។ នៅដើមឆ្នាំ២០១៨ជនសង្ស័យរូបនេះបានចាប់រំលោភកូនចិញ្ចឹមជាបន្តបន្ទាប់បានសម្រេចជាច្រើនដង ព្រមទាំងគំរាមសម្លាប់ ខណៈពេលដែលនាំនាងទៅនេសាទត្រីនៅបឹងតាមោក ទំនប់កប់ស្រូវ។
បើតាមក្មេងស្រីរងគ្រោះឱ្យដឹងថា នៅព្រឹកថ្ងៃទី២២ មីនា ២០១៩ ជនសង្ស័យជាឪពុកចាប់នាងរំលោភបានសម្រេចម្តងទៀត និងគំរាមសម្លាប់ បើប្រាប់គេ ។លុះនៅម៉ោងប្រមាណ៧និង៣០នាទីព្រឹក ថ្ងៃទី២៦ មីនា នៅពេលដែលនាងកំពុងតែមើលទូរស័ព្ទនៅក្នុងផ្ទះតែម្នាក់ឯង ស្រាប់តែបុរសជាឪពុកចិញ្ចឹមរូបនោះមកបបោសអង្អែលនាងប្រុងធ្វើសកម្មភាពរំលោភទៀត តែនាង បានខាំដៃ និងរើបំរះរត់រួចចេញមកខាងក្រៅផ្ទះ រហូតដល់យប់ក៏បាននិយាយប្រាប់ម្តាយ ទើបនៅព្រឹកថ្ងៃទី២៧ មីនា ក៏បាននាំមកប្តឹងនគរបាលប៉ុស្តិ៍ ឃ្មួញ ឃាត់ខ្លួនឪពុកចិញ្ចឹមតែម្តង ។
ជនសង្ស័យខាងលើត្រូវបាននគរបាលបញ្ជូនទៅកាន់អធិការដ្ឋានខណ្ឌសែនសុខ ដើម្បីសាកសួរ និងកសាងសំណុំរឿងចាត់ការតាមច្បាប់៕
ចែករំលែកព័តមាននេះ