ខេត្តស្វាយរៀង ៖ កំពុងល្បីកក្រើកលើបណ្តាញសង្គម ក្រោយពីឃើញស្ត្រីមេម៉ាយកូនមួយវ័យក្មេងម្នាក់ បានរៀបចំពិធីខួបមេម៉ាយគម្រប់៣ឆ្នាំឡើងគគ្រឹកគគ្រេង ដែលមានអ្នកចូលរួមនិយាយបញ្ចើចបញ្ចើរដាក់គ្នាលេងសើចយ៉ាងសប្បាយ ហើយក៏នាំគ្នាគិតថា នេះជាករណីទី១នៅក្នុងទឹកដីខេត្តស្វាយរៀង ។ ស្ត្រីមេម៉ាយកូនមួយធ្វើខួប…
ខេត្តស្វាយរៀង ៖ កំពុងល្បីកក្រើកលើបណ្តាញសង្គម ក្រោយពីឃើញស្ត្រីមេម៉ាយកូនមួយវ័យក្មេងម្នាក់ បានរៀបចំពិធីខួបមេម៉ាយគម្រប់៣ឆ្នាំឡើងគគ្រឹកគគ្រេង ដែលមានអ្នកចូលរួមនិយាយបញ្ចើចបញ្ចើរដាក់គ្នាលេងសើចយ៉ាងសប្បាយ ហើយក៏នាំគ្នាគិតថា នេះជាករណីទី១នៅក្នុងទឹកដីខេត្តស្វាយរៀង ។
ស្ត្រីមេម៉ាយកូនមួយធ្វើខួប កើតឡើងកាលពីរសៀលថ្ងៃទី២៧ មីនា ស្ថិតនៅក្នុងភូមិរោងបន្លែ សង្កាត់ស្វាយរៀង ក្រុងស្វាយរៀង ។ បើតាមអ្នកចូលរួមនៅក្នុងកម្មពិធីខួបមេម៉ាយ៣ឆ្នាំនោះបានឲ្យដឹងថា នៅក្នុងពិធីនោះ គឺមានភាពអធិកអធមណាស់ ដោយមានការអញ្ជើញសាច់ញាតិ និងមិត្តភក្ដិជិតឆ្ងាយមកចូលរួមយ៉ាងច្រើន ។ កម្មវិធីនេះផងដែរ ក៏មានមហាជនជាច្រើនបានភ្ញាក់ផ្អើល និងងឿងឆ្ងល់ថា រឿងនេះជាការពិតដែរឬអត់?
ដើម្បីឱ្យអស់ចម្ងល់ ជួបជាមួយអ្នកស្រីទេស ស្រីនាង អាយុ២៩ឆ្នាំ ជាស្ដ្រីមេម៉ាយកូនមួយ បានឱ្យដឹងថា គាត់ជាស្ត្រីមេម៉ាយពិតមែន និងធ្លាប់មានប្តី២ដងរួចមកហើយ ។ ថែមទាំងមានកូនស្រីម្នាក់អាយុ៩ឆ្នាំ
ហើយប្តីទាំងពីរនាក់ គឺបានលែងលះដាច់ស្រេចអស់ហើយ ។ ប្តីទី២របស់គាត់ គឺបានលែងលះរយៈពេល៣ឆ្នាំ ។
អ្នកស្រីបន្តថា ចំពោះការដែលគាត់រៀបចំកម្មវិធីខួបមេម៉ាយគម្រប់៣ឆ្នាំនេះ គឺដើម្បីចង់ឱ្យមនុស្សស្រីដែលមានការលែងលះជាមួយប្តី ហើយនៅភាពស្ដ្រីមេម៉ាយត្រូវតាំងចិត្តឱ្យរឹងមាំឡើង ។ សូមកុំបាក់ទឹកត្រូវខិតខំរៀនរស់នៅដោយខ្លួនឯង បើទោះបីយើងគ្មានប្តីក៏ដោយ ក៏យើងត្រូវតែខិតខំរកស៊ីចិញ្ចឹមកូនខ្លួនឯងឱ្យធំ និងមានចំណេះដឹង ។
អ្នកស្រីមេម៉ាយដដែលបានបន្ដទៀតថា ការបង្កើតកម្មវិធីនេះឡើង គឺចង់ឱ្យមនុស្សស្រីទាំងអស់ ជាពិសេសស្ដ្រីមេម៉ាយ ដែលមានប្រវត្តិធ្លាប់លែងលះគ្នាជាមួយប្ដី ត្រូវតែរឹងមាំឡើង កុំបាក់ទឹកនិងកុំធ្វើរឿងអី្វផ្តេះផ្តាស គង់តែមានបុរសណាម្នាក់ គេយលចិត្ត ចង់រស់នៅជាមួយយើង ។ ហើយបើយើងមានសំណាងល្អពិតជាមានគូថ្មីទៀត ។
ដូច្នេះ បើយើងនៅមានជីវិត ត្រូវតែតស៊ូឡើងត្រូវខិតខំរកស៊ី ដើម្បីកូនៗជាទីស្រឡាញ់ និងបងប្អូនឪពុកម្តាយមិនមែនអត់ប្តី គឺយើងរស់មិនបាននោះទេ ។ ដូច្នេះ យើងត្រូវតែហ៊ានបង្ហាញភាពរឹងមាំរបស់មនុស្សស្រីយើងឱ្យបុរសបានដឹងថា ស្ត្រីមេម៉ាយរឹងមាំ ។
ចែករំលែកព័តមាននេះ