រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នៅមុននេះបន្តិចមានករណីអគ្គីភ័យឆាបឆេះបន្ទប់ជួលនៅក្នុងភូមិច្រេះ សង្កាត់គោកឃ្លាំង ខណ្ឌសែនសុខ បណ្តាលឱ្យបន្ទប់ជួលចំនួន១បន្ទប់ឆេះខូចខាតទាំងស្រុង និងរាលដាលទៅកាន់មួយបន្ទប់ទៀតរងការខូចខាតមួយចំហៀង ។
តាមប្រភពបន្តថា នៅក្នុងហេតុការណ៍នោះដែលបានធ្វើឱ្យប្រជាពលរដ្ឋភិតភ័យស្លន់ស្លោបាននាំគ្នាជញ្ជូលឥវ៉ាន់ និងធុងហ្គាសជាច្រើនធុងចេញពីបន្ទប់ជួលដែលនៅក្បែរនោះចៀសវាងការឆាប់ឆេះរាលដាលដល់ធុងហ្គាសទាំងនេះបន្តធ្វើឱ្យសភាពការណ៍កាន់តែធ្ងន់ធ្ងរថែមទៀត ។
ទាក់ទងទៅនឹងមូលហេតុដែលបណ្តាលឱ្យមានអគ្គីភ័យនេះផងដែរ នៅមិនទាន់ដឹងច្បាស់ពីមូលហេតុនៅឡើយនោះទេ ដោយសារនៅមុនពេលកើតហេតុម្ចាស់ផ្ទះបានចាក់សោរចោល ហើយក្នុងហេតុការណ៍នោះផងដែរសមត្ថកិច្ចប្រើប្រាស់រថយន្តពន្លត់អគ្គីភ័យអស់៥គ្រឿងទើបគ្រប់គ្រងស្ថានការណ៍នោះបានទាំងស្រុង ៕
ចែករំលែកព័តមាននេះ