តម្លៃខ្លួនមហាសាលពេកធ្វើឱ្យអធិរាជស Real Madrid បង្វែរគោលដៅភ្លាមៗ
5 ឆ្នាំ មុន
ទីផ្សារដោះដូរកីឡាករក្នុងតំបន់អឺរ៉ុបកំពុងមានការរំជើបរំជួលខ្លាំងនាពេលបច្ចុប្បន្ន ជាពិសេសក្លិបស្ដេចស Real Madrid ក្នុងក្របខ័ណ្ឌលីគកំពូលអេស្ប៉ាញកំពុងត្រូវការកីឡាករដែលមានសមត្ថភាពខ្ពស់យកមកពង្រឹងក្លិបក៏ដូចជាប្រជែងជាមួយក្លិបអ្នកមានបុណ្យ Barcelona ដែលជាគូសត្រូវចាស់ផងដែរ ។ Real Madrid…
ទីផ្សារដោះដូរកីឡាករក្នុងតំបន់អឺរ៉ុបកំពុងមានការរំជើបរំជួលខ្លាំងនាពេលបច្ចុប្បន្ន ជាពិសេសក្លិបស្ដេចស Real Madrid ក្នុងក្របខ័ណ្ឌលីគកំពូលអេស្ប៉ាញកំពុងត្រូវការកីឡាករដែលមានសមត្ថភាពខ្ពស់យកមកពង្រឹងក្លិបក៏ដូចជាប្រជែងជាមួយក្លិបអ្នកមានបុណ្យ Barcelona ដែលជាគូសត្រូវចាស់ផងដែរ ។
Real Madrid កំពុងសម្លឹងឃើញកីឡាករសំខាន់ៗជាច្រើនដូចជា Sadio Mane របស់ Liverpool, Eden Hazard របស់ Chelsea, Pogba របស់ Man Utd និង Mbappe របស់ PSG ជាដើម ។ កីឡាករទាំងនេះតម្រូវឱ្យ Real Madrid ចំណាយលុយដ៏ច្រើនមហាសាលដើម្បីនាំយកពួកគេមកកាន់កីឡដ្ឋាន Santiago Bernabeu នៅរដូវកាលក្រោយ។
ប៉ុន្តែថ្មីៗនេះ Real Madrid បានប្រកាសថាពួកគេមិនទាន់ទាក់ទងទៅកាន់ Mbappe ឬក៏ភ្នាក់ងាររបស់គេនៅឡើយទេ ។ ម្យ៉ាងទៀត Real Madrid កំពុងពិចារណាលើតម្លៃខ្លួនដ៏ថ្លៃមហិមាររបស់ Mbappe ផងដែរ ដោយពួកគេអាចនឹងបដិសេធលើសំណើនេះ ហើយក៏នឹងអាចប្តូរគោលដៅចំបងទៅលើខ្សែបម្រើសញ្ជាតិសេណេហ្គាល់ Sadio Mane និងខ្សែប្រយុទ្ធសញ្ជាតិប៊ែលហ្សិក Eden Hazard វិញដែរ ។
មិនតែប៉ុណ្ណោះបូករួមជាមួយទេពកោសល្យអស្ចារ្យជួយឱ្យបារាំងឈ្នះពានបាល់ទាត់ពិភពលោកទៀតនោះ ទើបធ្វើឱ្យ Real Madrid ក្រោមការដឹកនាំរបស់លោក Zinedine Zidane ចង់បានកីឡាកររូបនេះមកជួយពង្រឹងក្លិបនៅរដូវកាលក្រោយ ៕
ចែករំលែកព័តមាននេះ