រាជធានីភ្នំពេញ ៖ សម្តេចតេជោ នាយករដ្ឋមន្ត្រីបានឲ្យដឹងថា នៅឆ្នាំក្រោយនឹងមានការកែប្រែប្រតិទិនឈប់សម្រាកមួយចំនួន តែនៅតែធ្វើការដដែល ដោយបញ្ចូលនៅថ្ងៃភ្ជុំបិណ្ឌ ថ្ងៃចូលឆ្នាំ ដើម្បីឲ្យបានរយៈពេលយូរជាងនេះ ដើម្បីកុំឲ្យអ្នកវិនិយោគកុំរត់ចេញ…
រាជធានីភ្នំពេញ ៖ សម្តេចតេជោ នាយករដ្ឋមន្ត្រីបានឲ្យដឹងថា នៅឆ្នាំក្រោយនឹងមានការកែប្រែប្រតិទិនឈប់សម្រាកមួយចំនួន តែនៅតែធ្វើការដដែល ដោយបញ្ចូលនៅថ្ងៃភ្ជុំបិណ្ឌ ថ្ងៃចូលឆ្នាំ ដើម្បីឲ្យបានរយៈពេលយូរជាងនេះ ដើម្បីកុំឲ្យអ្នកវិនិយោគកុំរត់ចេញ ។ មានប្រសាសន៍ក្នុងពីធីប្រគល់សញ្ញាបត្រដល់គរុសិស្ស នាព្រឹកថ្ងៃទី២៧ ខែមីនា សម្តេចតេជោ ហ៊ុន សែននាយករដ្ឋមន្ត្រីបានសូមនិយាយទុកឲ្យហើយ កម្ពុជា គឺជាប្រទេសក្រីក្រ ក៏ប៉ុន្តែការឈប់សម្រាកនៅប្រទេសកម្ពុជារបស់យើង គឺច្រើនជាងប្រទេសអ្នកមានប៉ុន្មានដង ក្នុងនោះមានប្រទេសសាំងហ្គាពួរ គេមានថ្ងៃសម្រាកដែរ តែមួយថ្ងៃទេ ក្នុងពេលដែលប្រទេសកម្ពុជាសម្រាក២០ទៅ៣០ថ្ងៃ ។
សម្ដេចបញ្ជាក់ថា«អញ្ចឹងប្រទេសយើងក្រីក្រ ក៏ប៉ុន្តែ គឺយើងឈប់សម្រាកច្រើនណាស់ ដូច្នេះសុំការយោគយល់អធ្យាស្រ័យអ្នករកស៊ីទាំងអស់រត់ចោលយើង ដោយសារតែម្ខាងឡើងប្រាក់ខែ ម្ខាងទៀតឈប់សម្រាកកាន់តែច្រើន ។ អញ្ចឹងទេ ឆ្នាំក្រោយអាចនឹងកាត់បន្ថយថ្ងៃឈប់សម្រាក ។ យើងដាក់ថ្ងៃសម្រាកក៏សម្រាក ក៏ប៉ុន្តែយើងកុំសម្រាក ដើម្បីយើងយកថ្ងៃហ្នឹងទៅបូកថ្ងៃភ្ជុំដែលបានសម្រាក៤ឬ៥ថ្ងៃទៅវិញ និងមិនចំណេញជាង ។
បន្ទាប់ថ្ងៃនេះយើងធ្វើការ ហើយរាល់ថ្ងៃភ្ជុំយើងសម្រាកបានវែងជាង ព្រោះយើងត្រូវធ្វើដំណើរទៅស្រុកមួយថ្ងៃមកមួយថ្ងៃ យើងលេងបានតែមួយថ្ងៃទេ អញ្ចឹងយើងត្រូវសន្សំ ។ សន្សំថ្ងៃឈប់សម្រាកមួយថ្ងៃ មួយថ្ងៃយើងដាក់ក្នុងប្រតិទិនហើយថ្ងៃឈប់សម្រាក ក៏ប៉ុន្តែយើងអត់សម្រាកទេ ។ ថ្ងៃសម្រាកដទៃទៀតយើងអត់សម្រាកដោយយើងទុកបូកទៅថ្ងៃចូលឆ្នាំវិញនេះគ្រាន់តែជាការចាប់ផ្ដើមគិតគូររបស់មនុស្សខ្លះលើបញ្ហាហ្នឹង ហើយវាសមស្រប ។ ព្រោះបើយើងឈប់មួយថ្ងៃហ្នឹងទៅស្រុកកំណើត ក៏មិនបានដែរ ព្រោះស្អែកឡើងដល់ថ្ងៃធ្វើការហើយ ចឹងទេអត់បានទៅណាទាំងអស់ ។ សម្ដេចក៏បានលើកឡើងទៀតថា«យើងដាក់ក្នុងប្រតិទិន គឺឈប់សម្រាកអញ្ចឹង ប៉ុន្តែយើងអត់សម្រាកទេ យើងធ្វើបូកដល់ថ្ងៃភ្ជុំ ឬថ្ងៃចូលឆ្នាំប្រាំថ្ងៃ ហើយយើងនឹងពិគ្រោះយោបល់បញ្ហានេះជាមួយនឹងមន្ត្រីសាធារណរបស់យើង និងវិស័យឯកជន និងផ្នែកនានាដែលមានការពាក់ព័ន្ធ»។
ជាមួយគ្នានោះដែរសម្តេចតេជោក៏បានលើកឡើងថា នៅពេលបច្ចុប្បន្នមានកំណែទម្រង់ច្រើនណាស់ ប៉ុន្តែ គឺការកែសម្រួលប្រតិទិននេះជាបញ្ហារសើបមួយ ដែលមានការយោគយល់ ។ បើមិនដូច្នេះទេ អ្នករកស៊ីក្នុងស្រុកយើង«…» យើងគិតតែទាមទារឡើងប្រាក់ខែ និងទារថ្ងៃឈប់សម្រាកឲ្យបានច្រើន អញ្ចឹងគេនឹងចាកចេញពីយើង។
សម្ដេចក៏បានគូសបញ្ជាក់ថា ការកំណត់ប្រតិទិននេះក៏ដោយ សំដៅលើការមិនអនុគ្រោះពន្ធ ឬអនុគ្រោះពន្ធនោះទេ ។ គឺយើងគិតតែពីកម្លាំងខ្លួនឯង ដើម្បីឲ្យក្លាយទៅជាប្រទេសដែលមានការអភិវឌ្ឍមួយដោយមិនគិតថា ខ្លួនមានការអនុគ្រោះពីអ្នកណាទាំងអស់ ៕
ចែករំលែកព័តមាននេះ