រាជធានីភ្នំពេញ ៖ សម្តេចតេជោ ហ៊ុន សែន បានបញ្ជាក់ថា សម្តេចគ្មានបំណងប្រាថ្នាធ្វើជានាយករដ្ឋមន្ត្រីនោះទេ ដែលខុសអ្នកមួយចំនួន ។ សម្តេចតេជោលើកឡើងក្នុងពិធីប្រគល់សញ្ញាបត្រដល់គរុសិស្ស -គរុនិស្សិតដែលបានបញ្ចប់ការសិក្សាឆ្នាំ២០១៧-២០១៨ នាព្រឹកថ្ងៃទី២៧ ខែមីនា ឆ្នាំ២០១៩ នៅវិទ្យាជាតិអប់រំថា សម្តេចគ្មានបំណងធ្វើជានាយករដ្ឋមន្ត្រីនោះទេ គឺសម្តេចចង់ធ្វើជាគ្រូបង្រៀនតែប៉ុណ្ណោះ ។
សម្តេចតេជោ ហ៊ុនសែន បានលើកឡើងថា មានមនុស្សមិនតិចទេ ចង់ធ្វើជានាយករដ្ឋមន្ត្រីប៉ុន្តែមិនបានធ្វើ ។ ខ្លះដេកយល់សុបិនទាំងថ្ងៃចប់ធ្វើជានាយករដ្ឋមន្ត្រី ហើយអ្នកខ្លះក៏មានលើកជាឧទាហរណ៍ថា នៅពេលធ្វើជានាយករដ្ឋមន្ត្រី តើធ្វើបែបណាអង្គុយបែបណា សម័យសព្វគ្រប់ហើយ ខ្ញុំមិនដែលប៉ងប្រាថ្នាធ្វើជានាយករដ្ឋមន្ត្រីទេ ។ ជាមួយគ្នានោះដែរសម្តេចតេជោក៏បានលើកឡើងថា មានអ្នកខ្លះចាំគេវៃហ៊ុន សែន ឲ្យរលំសិនចាំចូលមកស្រុកត្រួតតែម្តង ។
សម្តេចថា«អឺឯង ចាំតាស់ ល្អមើលតាស់ ។ មិនហ៊ានមកវៃខ្លួនឯងទេឲ្យគេវៃសិន ។ ខ្ញុំមិនថាឲ្យអ្នកណាគេកុំយកខ្លួន ។ អាឡូវចាប់ពីពេលនេះទៅខ្ញុំប្រកាសកុំបបួលខ្ញុំភ្នាល់ បបួលស្បថ ទើបខ្ញុំលេង» ៕
ចែករំលែកព័តមាននេះ