រាជធានីភ្នំពេញ ៖ ភាគីវៀតណាមបានត្រៀមកិច្ចសហការជាមួយភាគីកម្ពុជាមានគណៈកម្មការវិទ្យាសាស្ត្រ និងព័ត៌មានវិទ្យានៃសភាទាំងពីរកម្ពុជាវៀតណាម ដើម្បីជួយលើវិស័យព័ត៌មាននៅកម្ពុជា ។ នេះបើតាមរបាយការណ៍របស់អនុរដ្ឋមន្ត្រីក្រសួងបច្ចេកទេស និងវិទ្យាសាស្ត្ររបស់វៀតណាមក្នុងពេលដែលលោកស្រីឃួន សុដារី អនុប្រធានទី២…
រាជធានីភ្នំពេញ ៖ ភាគីវៀតណាមបានត្រៀមកិច្ចសហការជាមួយភាគីកម្ពុជាមានគណៈកម្មការវិទ្យាសាស្ត្រ និងព័ត៌មានវិទ្យានៃសភាទាំងពីរកម្ពុជាវៀតណាម ដើម្បីជួយលើវិស័យព័ត៌មាននៅកម្ពុជា ។ នេះបើតាមរបាយការណ៍របស់អនុរដ្ឋមន្ត្រីក្រសួងបច្ចេកទេស និងវិទ្យាសាស្ត្ររបស់វៀតណាមក្នុងពេលដែលលោកស្រីឃួន សុដារី អនុប្រធានទី២ រដ្ឋសភាបានបំពេញទស្សនកិច្ចសិក្សាក្នុងសួនបច្ចេកវិទ្យាជាន់ខ្ពស់Hao Lac របស់វៀតណាម ។
លោកឈាង វុន ប្រធានគណៈកម្មការកិច្ចការបទរសសហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភាបានលើកឡើងក្នុងសន្នីសីទសារព័ត៌មានបន្ទាប់ពីត្រឡប់មកពីទស្សនកិច្ចនៅប្រទេសវៀតណាម កាលពីថ្ងៃទី២៥ ខែមីនា នៅអាកាសយានដ្ឋានអន្តរជាតិភ្នំពេញថា ក្នុងដំណើរទស្សនកិច្ចមួយដែរលោកប៊ួយ ងេហ្សូយ អនុរដ្ឋមន្ត្រីក្រសួងបច្ចេកទេស និងវិទ្យាសាស្ត្របានលើកឡើងថា សួនបច្ចេកវិទ្យានេះបង្កើតឡើងស្របតាមច្បាប់ចំនួន៣របស់វៀតណាម ។
លោកបានបន្តថា ក្នុងករណីដែលមានបញ្ហាកើតឡើងប៉ះពាល់ដល់បច្ចេកវិទ្យាព័ត៌មាននេះ គឺជាឧក្រិដ្ឋកម្មបច្ចេកវិទ្យាតាមប្រព័ន្ធអ៊ីនធឺណេតវៀតណាមមានច្បាប់៣ក្នុងការការពារច្បាប់ស្ដីពីសុវត្ថិភាពព័ត៌មានច្បាប់ស្ដីពីសុវត្ថិភាពតាមបណ្ដាញអ៊ីនធឺណេត និងច្បាប់ព្រហ្មទណ្ឌ ។
លោកអនុរដ្ឋមន្ត្រីបានគូសបញ្ជាក់ថា« ភាគីវៀតណាមត្រៀមកិច្ចសហការជាមួយភាគីកម្ពុជារួមមានគណៈកម្មការវិទ្យាសាស្ត្រ និងព័ត៌មានវិទ្យានៃសភាទាំងពីរកម្ពុជា-វៀតណាម« ។ ក្នុងជំនួបនោះពិភាក្សាស្វែងយល់នោះដែរ លោកស្រីឃួន សុដារី អនុប្រធានទី២រដ្ឋសភាបានលើកឡើងថា រាជរដ្ឋាភិបាលកម្ពុជានីតិកាលទី៦នៃរដ្ឋសភាបានចាត់ទុកការអភិវឌ្ឍសេដ្ឋកិច្ចឌីជីថល ជាវិស័យអាទិភាពយ៉ាងសំខាន់បំផុតមួយសម្រាប់ការអភិវឌ្ឍប្រទេសដូចដែលមានកំណត់ក្នុងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាល ។
លោកស្រីបានបន្តថា ជាការពិតណាស់សមិទ្ធិផល និងមហិច្ចតាដ៏ធំធេងខាងលើនេះ គឺជាការខិតខំប្រឹងប្រែងរបស់រាជរដ្ឋាភិបាលកម្ពុជា ក្រោមការអនុវត្តន៍គោលនយោបាយឈ្នះឈ្នះដឹកនាំដោយសម្ដេចតេជោ ហ៊ុនសែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីនៃព្រះរាជាណាចក្រកម្ពុជា ។
ជាក់ស្តែងកាលពីពេលថ្មីៗនេះក្រសួងសេដ្ឋកិច្ច និងហិរញ្ញវត្ថុនៃប្រទេសកម្ពុជាកំពុងកំណត់ គឺដៃ និងរៀបចំក្របខណ្ឌគោលនយោបាយសេដ្ឋកិច្ចឌីជីថលកម្ពុជា ។ ជាមួយគ្នានោះដែរអនុប្រធានទី២រដ្ឋសភាក៏បានលើកឡើងថា ព្រះរាជាណាចក្រកម្ពុជាមិនត្រឹមតែមានកំណើនសេដ្ឋកិច្ចខ្ពស់រង្វង់៧.៧ ភាគរយក្នុងមួយឆ្នាំនោះទេ កម្ពុជាថែ មទាំងបានផ្លាស់ប្តូររចនាសម្ព័ន្ធសេដ្ឋកិច្ចផងដែរ ។
គួរកត់សម្គាល់ថា កម្ពុជាសព្វថ្ងៃកំពុងតែក្លាយជាប្រទេសដែលមានសេដ្ឋកិច្ចពឹងផ្អែកលើវិស័យកសិកម្មជាស្នូលទៅជាប្រទេសដែលមានសេដ្ឋកិច្ច រួមចំណែកដោយវិស័យឧស្សាហកម្ម និងសេវាកម្មប្រើប្រាស់វិទ្យាសាស្ត្របច្ចេកវិទ្យាទំនើបនេះជាកម្លាំងជំរុញដ៏សំខាន់ក្នុងការពន្លឿនកំណើនសេដ្ឋកិច្ច ដើម្បីកាត់បន្ថយភាពក្រីក្រ ។
សូមជម្រាបថា ទស្សនៈកិច្ចរបស់គណៈប្រតិភូរដ្ឋសភានៃព្រះរាជាណាចក្រកម្ពុជាក្នុងរយៈពេល៤ថ្ងៃ មិនត្រឹមតែបន្ថែមនូវចំណងមិត្តភាព និងកិច្ចសហប្រតិបត្តិការនៃសភាទាំងពីរប៉ុណ្ណោះទេ ថែមទាំងបានរួមចំណែកពង្រីកបន្ថែមដល់ចំណងសាមគ្គីមិត្តភាពជាប្រពៃណី និងសហប្រតិបត្តិការគ្រប់ជ្រុងជ្រោយយូរអង្វែងដល់ប្រទេស និងប្រជាជនទាំងពីរស្ថិតស្ថេររហូតផងដែរ ៕
ចែករំលែកព័តមាននេះ