គ្រោះថ្នាក់គិតត្រឹមក្នុងខែមីនានេះប៉ុណ្ណោះ
- រតនគិរី
ខេត្តរតនគិរី ៖ ក្នុងខែមីនានេះ មានប្រជាពលរដ្ឋរងគ្រោះចំនួន៦នាក់ ដោយសារការយកដបច្នៃដាក់រំសេវបោកត្រី ។ ជាក់ស្ដែង កាលពីថ្ងៃទី២១ ខែមីនាកន្លងទៅ វេលាម៉ោង៧និង៣០នាទីព្រឹក…
ខេត្តរតនគិរី ៖ ក្នុងខែមីនានេះ មានប្រជាពលរដ្ឋរងគ្រោះចំនួន៦នាក់ ដោយសារការយកដបច្នៃដាក់រំសេវបោកត្រី ។ ជាក់ស្ដែង កាលពីថ្ងៃទី២១ ខែមីនាកន្លងទៅ វេលាម៉ោង៧និង៣០នាទីព្រឹក…
ខេត្តរតនគិរី ៖ ក្នុងខែមីនានេះ មានប្រជាពលរដ្ឋរងគ្រោះចំនួន៦នាក់ ដោយសារការយកដបច្នៃដាក់រំសេវបោកត្រី ។ ជាក់ស្ដែង កាលពីថ្ងៃទី២១ ខែមីនាកន្លងទៅ វេលាម៉ោង៧និង៣០នាទីព្រឹក នៅភូមិសៀង សាយ ឃុុំតាវែងក្រោម ស្រុកតាវែង មានមនុស្សរងរបួសធ្ងន់៥នាក់(ស្រីម្នាក់) ដោយសារការច្រករំសេវផាវ ដាក់ក្នុងដបបានផ្ទុះ ។ មុនពេលកើតហេតុ បុរសឈ្មោះ ហេង សារឿន អាយុ២៥ឆ្នាំ រស់នៅក្នុងភូមិខាងលើ បានយកដបមួយមកកែច្មៃដាក់រំសេវផាវប្រភេទគ្រាប់មូលជាច្រើនគ្រាប់ រួចបិទគម្របជិតនិងចោះរន្ធគម្របរួចតសរសៃអំបោះចេញមកក្រៅសម្រាប់ដុតបោកត្រី ។
សមត្ថកិច្ចបានឲ្យដឹងថា ពេលធ្វើរួចមិនបានយកទៅបោកត្រីទេ និងនាំគ្នាអង្គុយលេងនៅក្រោមផ្ទះរបស់ខ្លួន ។ ឯមូលហេតុផ្ទុះ ដោយសារម្ចាស់ផ្ទះជក់បារីហើយយកភ្លើងបារីដុត ក៏បណ្ដាលឱ្យផ្ទុះរងរបួសរហូត៥នាក់ ដែលមាន ៖
១-ឈ្មោះ ហេង សារឿន ជាម្ចាស់ផ្ទះ និងជាអ្នកកែច្នៃ រងរបួសធ្ងន់ជើងស្ដាំ
២-ឈ្មោះ សើន អូន ភេទប្រុស អាយុ១១ឆ្នាំ របួសធ្ងន់ផ្ទៃមុខ
៣-ឈ្មោះ តឿន ជឿន ភេទប្រុស អាយុ៨ឆ្នាំ របួសធ្ងន់ធ្លាយពោះវៀន
៤-ឈ្មោះ សន ម៉ាប់ ភេទប្រុស អាយុ២៨ឆ្នាំ រងបួសភ្លៅស្រាល និង
៥-ឈ្មោះ ចាង ត្រិន ភេទស្រី អាយុ២៦ឆ្នាំ រងរបួសដៃស្ដាំស្រាល ។
ករណីមួយទៀត នៅស្រុកអូរយា៉ដាវ យុវជនម្នាក់យកគ្រាប់មិនទាន់ផ្ទុះដំយករំសេវទុកបោកត្រី ក៏បណ្ដាលឲ្យផ្ទុះត្រូវខ្លួនឯងរបួសធ្ងន់ ។ ហេតុការណ៍នេះ កើតឡើងកាលពីថ្ងៃទី១៤ ខែមីនា វេលាម៉ោង១០ព្រឹក នៅភូមិឡំ ឃុំប៉ក់ញ៉ៃ ឃុំប៉ក់ញ៉ៃ ស្រុកអូរយ៉ាដាវ ។ ជនរងគ្រោះឈ្មោះ សេវ សិញ ភេទប្រុស អាយុ២៨ឆ្នាំ ជាកសិករនិងជាជនជាតិដើមភាគតិចចារ៉ាយ មានទីលំនៅក្នុងភូមិ ឃុំ ខាងលើ ។
បើតាមជនរងគ្រោះរៀបរាប់ប្រាប់សមត្ថកិច្ចថា មុនពេលកើតហេតុខ្លួនរើសបានគ្រាប់ធុនធំមួយពីក្នុងព្រៃខាងក្រោយផ្ទះ និងបានយកមកដំបំបែកយករំសេវទុកបោកត្រី ។ ពេលកំពុងដំ ស្រាប់តែគ្រាប់នោះផ្ទុះលាន់ដូចរន្ទះត្រូវរបួសធ្ងន់ចំជើងនិងដៃ រួមទាំងដងខ្លួនជាច្រើនកន្លែងទៀត ។
បច្ចុប្បន្ន ជនរងគ្រោះសរុបទាំង៦នាក់ កំពុងសម្រាកព្យាបាលនៅមន្ទីរពេទ្យបង្អែកខេត្ត និងរួចផុតពីសេចក្ដីស្លាប់ទាំងអស់គ្នាហើយ ។តាមអ្នករស់នៅក្បែផ្ទះជនរងគ្រោះនិយាយដូចគ្នាៗគ្នាថា មានអ្នកភូមិច្រើនណាស់និយមចូលចិត្តយកកំប៉ុងត្រីខ ឬដបភេសជ្ជៈមកកែច្នៃបោកត្រីញឹកញាប់ណាស់ ៕
ចែករំលែកព័តមាននេះ