រាជធានីភ្នំពេញ ៖ ក្រសួងធនធានទឹកនិងឧតុនិយមបានប្រកាសឱ្យប្រជាពលរដ្ឋ ត្រូវមានការប្រុងប្រយ័ត្នឱ្យបានខ្ពស់ ពីបាតុភូតភ្លៀងកក់ខែដែលនឹងនាំមកនូវផ្គររន្ទះ និងខ្យល់កន្ត្រាក់ ដែលអាចបង្កគ្រោះថ្នាក់ដល់ជីវិត និងទ្រព្យសម្បត្តិបាន ។
ក្រសួងជំនាញនេះបានបញ្ជាក់ទៀតថា នៅទូទាំងប្រទេសកម្ពុជា នឹងចាប់ផ្តើមទទួលរងឥទ្ធិពលភ្លៀងកក់ខែ និងកើនកម្ដៅផងដែរគិតចាប់ថ្ងៃទី២៦ ដល់២៩ ខែមីនា នេះទៅ ។ ឥទ្ធិពលនេះ កើតឡើងដោយការប្រសព្វគ្នា រវាងសម្ពាធទាបបក់ពីទិសខាងលិចនិងពាយ័ព្យ និងសម្ពាធខ្ពស់នៃតំបន់ខ្ពង់រាប ដែលចុះខ្សោយ។ ទន្ទឹមនេះ កម្តៅនឹងកើនឡើងវិញ ដែលកម្រិតសីតុណ្ណភាពអតិបរមា មានពី៣៤-៣៧អង្សាសេ ។
ដោយឡែក នៅថ្ងៃទី៣០ ខែមីនា ដល់ថ្ងៃទី២ខែមេសា កម្ពុជានឹងទទួលរងឥទ្ធិពលនេះ សារជាថ្មីម្ដងទៀត ដែលធ្វើឲ្យតំបន់មួយចំនួន មានភ្លៀងធ្លាក់ជាបន្តបន្ទាប់ ដោយនាំមកនូវផ្គររន្ទះ និងខ្យល់កន្ទ្រាក់ទៀតផង។ ចំពោះសីតុណ្ហភាព នឹងធ្លាក់ចុះមកនៅ៣០-៣៣អង្សាសេវិញ។
ចែករំលែកព័តមាននេះ