ខេត្តកណ្តាល ៖ គ្រោះថ្នាក់ចរាចរណ៍មួយបានកើតឡើង បណ្តាលឱ្យបុរសម្នាក់បានស្លាប់ភ្លាមៗនៅនិងកន្លែងកើតហេតុ ដែលគេដឹងថា បង្កឡើងដោយបុរសជាមន្ត្រីយោធាម្នាក់ បើកបរក្នុងល្បឿនយ៉ាងលឿនហេតុការណ៍គ្រោះនេះ បានកើតឡើងកាលពីវេលាម៉ោង០៧ និង៥នាទីយប់ថ្ងៃទី២៥ មីនា…
ខេត្តកណ្តាល ៖ គ្រោះថ្នាក់ចរាចរណ៍មួយបានកើតឡើង បណ្តាលឱ្យបុរសម្នាក់បានស្លាប់ភ្លាមៗនៅនិងកន្លែងកើតហេតុ ដែលគេដឹងថា បង្កឡើងដោយបុរសជាមន្ត្រីយោធាម្នាក់ បើកបរក្នុងល្បឿនយ៉ាងលឿនហេតុការណ៍គ្រោះនេះ បានកើតឡើងកាលពីវេលាម៉ោង០៧ និង៥នាទីយប់ថ្ងៃទី២៥ មីនា ស្ថិតនៅចំណុចផ្លូវលេខ១២១០ ក្នុងភូមិដំរីឆ្លង ឃុំស្អាងភ្នំ ស្រុកស្អាង ខេត្តកណ្ដាល ។
នគរបាលស្រុកស្អាងបានឱ្យដឹងថា រថយន្តមួយគ្រឿង ម៉ាកឡិចសីុស៣៥០ ពណ៌ត្រេអីុ ពាក់ស្លាកលេខ ខេមរភូមិន្ទ02 2-2416 បើកបរដោយឈ្មោះ ឌិន សុីដេត ភេទប្រុស អាយុ៣៤ឆ្នាំ ជាមន្ត្រីយោធា (ដកហូតកាំភ្លើង១ដើម និងគ្រាប់) មានទីលំនៅភូមិត្នោតមួយដើម ឃុំបែកចាន ស្រុកអង្គស្នួល ខេត្តកណ្ដាល ធ្វើដំណើរក្នុងទិសដៅពីលិចទៅកើត លុះពេលមកដល់ចំណុចកើតហេតុខាងលើក៏បានបុកជាមួយម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៥ ពាក់ផ្លាកលេខកណ្ដាល1P-8626 ជិះដោយ ឈ្មោះម៉ុន វីរៈ ភេទប្រុស អាយុ១៨ឆ្នាំ ជាជាងជួលជុលរថយន្ត (ស្លាប់នៅនឹងកន្លែង) មានទីលំនៅភូមិព្រែកខ្មែរ ឃុំស្អាងភ្នំ ស្រុកស្អាង ខេត្តកណ្ដាល ដែលកំពុងជិះម៉ូតូក្នុងទិសដៅបញ្ច្រាសគ្នា ពីកើតទៅលិច ។
ក្រោយពេលកើតហេតុសមត្ថកិច្ចយើងបានចុះទៅកន្លែងកើតហេតុ ធ្វើការវាស់វែងនិងយកវត្ថុតាងទាំងពីរនិងឃាត់ខ្លួនអ្នកបើករថយន្ត យកមកអធិការដ្ឋាន ដើម្បីកសាងសំណុំរឿងទៅតាមនីតិវិធីនៃច្បាប់ ។ សពជនរងគ្រោះ ត្រូវសមត្ថកិច្ចប្រគល់អោយក្រុមគ្រួសារយកទៅធ្វើបុណ្យតាមប្រពៃណី ។
ចែករំលែកព័តមាននេះ