ខេត្តកំពត ៖ មនុស្សម្នារាប់រយនាក់បានឱ្យចៅអធិការវត្តប្ដូរខែ-ឆាំ្នដើម្បីផុតគ្រោះចង្រៃ។ ចៅអធិការ«វត្តដូនបុណ្យ» ឃុំស្វាយទងខាងត្បូង ស្រុកកំពង់ត្រាច មហាជនមានជំនឿថាព្រះអង្គចេះមន្តអាគមគាថា និងចេះប្ដូរខែថ្ងៃឆាំ្នឱ្យផុតពីគ្រោះចង្រៃ ខណៈពេលបុណ្យចូលឆាំ្នថ្មីប្រពៃណីជាតិខិតជិតមកដល់ ។…
ខេត្តកំពត ៖ មនុស្សម្នារាប់រយនាក់បានឱ្យចៅអធិការវត្តប្ដូរខែ-ឆាំ្នដើម្បីផុតគ្រោះចង្រៃ។ ចៅអធិការ«វត្តដូនបុណ្យ» ឃុំស្វាយទងខាងត្បូង ស្រុកកំពង់ត្រាច មហាជនមានជំនឿថាព្រះអង្គចេះមន្តអាគមគាថា និងចេះប្ដូរខែថ្ងៃឆាំ្នឱ្យផុតពីគ្រោះចង្រៃ ខណៈពេលបុណ្យចូលឆាំ្នថ្មីប្រពៃណីជាតិខិតជិតមកដល់ ។
កាលពីពេល ថ្មីៗកន្លងមកព្រះតេជគុណសោម សាវឿន ព្រះជន្ម៤៣វស្សា ចៅអធិការវត្តដូនបុណ្យដែលបួសជាសង្ឃនៅវត្តដូនបុណ្យ២៦ឆាំ្នមកហើយនោះ មានសង្ឃដីកាថា«ពាក់ព័ន្ធនឹងរឿងមើលជំងឺដល់ពុទ្ធបរិស័ទពីទីជិតឆ្ងាយនេះ មិនមានការអូសទាញតាមរយៈអ្វីមួយទេ ពួកគាត់ជឿលើព្រះអង្គធ្វើមន្តគាថាកាក់កប ហើយក៏ ល្បីតៗគ្នា ។
ពលរដ្ឋភាគច្រើនបានមកស្រោចទឹក និងប្ដូរឈ្មោះប្ដូរថ្ងៃ-ខែ-ឆាំ្នដល់មនុស្សគ្រប់រូបដែលបានដឹងថាមានគ្រោះថ្នាក់ទៅហើយឱ្យរួចផុតពីទុក្ខសោកទៅវិញ ។ បើដឹងថាឆុងនឹងខែ-ឆាំ្នមិនបានមកស្រោចទឹកក៏បានដែរ គ្រាន់តែផ្ញើខោអាវឱ្យមកអាត្មា » ។
ចំពោះសមិទ្ធផលនានា នៅក្នុងវត្តដូនបុណ្យដូចជាមហាកុដិថ្ម សាលាឆាន់ និងព្រះវិហារបានកសាងរួចរាល់អស់ហើយ ដោយសារតែអ្នកទៅព្យាបាលជាសះស្បើយ បានចូលបច្ច័យចូលរួមកសាង ។ តាមរយៈជំនឿលើព្រះចៅអធិការទើបសមិទ្ធផលនានាក្នុងវត្តបានរីកចម្រើន ។
ស្ត្រីអ្នកជំងឺឈ្មោះសៀម សុវណ្ណ អាយុ១៩ឆាំ្ន នៅភូមិត្រពាំងក្ដារ ឃុំស្រែជាខាងត្បូង ស្រុកដងទង់ ខេត្តកំពតប្រាប់អ្នកយកព័ត៌មានថា នាងឈឺក្នុងពោះ និងក្ដៅក្រហាយ ព្យាបាលដោយគ្រូពេទ្យមិនជាសោះយូរឆ្នាំមកហើយ លុះទៅឲ្យព្រះចៅអធិការវត្តដូនបុណ្យស្រោចទឹក និងប្ដូរខែ-ឆាំ្ន នាងក៏បានធូរស្បើយ ។
មន្ត្រីធម្មការ និងសាសនាស្រុកកំពង់ត្រាច ឱ្យដឹងថា ក្នុងស្រុកកំពង់ត្រាចមានវត្តចំនួន៣៩ ហើយវត្តដែលព្រះសង្ឃចេះមើលជំងឺ គឺមានតែវត្តដូនបុណ្យមួយទេ ៕
ចែករំលែកព័តមាននេះ