រាជធានីភ្នំពេញ៖ តារាសម្តែងសម ម៉ាណា បាត់មុខពីពិភពសិល្បៈដែលធ្លាប់ធ្វើឲ្យមហាជនចាប់អារម្មណ៍អស់រយៈពេលយូរ ពេលនេះបានវិលមកសម្តែវិញហើយ។ នាងទទួលសម្តែងក្នុងកម្មវិធីសិល្បៈ ផ្សេងៗ ពិសេសជាមួយក្រុមលោកយ៉ែម សំអូន ។…
រាជធានីភ្នំពេញ៖ តារាសម្តែងសម ម៉ាណា បាត់មុខពីពិភពសិល្បៈដែលធ្លាប់ធ្វើឲ្យមហាជនចាប់អារម្មណ៍អស់រយៈពេលយូរ ពេលនេះបានវិលមកសម្តែវិញហើយ។ នាងទទួលសម្តែងក្នុងកម្មវិធីសិល្បៈ ផ្សេងៗ ពិសេសជាមួយក្រុមលោកយ៉ែម សំអូន ។
បើគិតពីការបាត់មុខពីពិភពសិល្បៈ គឺសម ម៉ាណា បានឃ្លាតទៅរយៈពេល៤ឆ្នាំក្នុងពេលដែលអាជីពសិល្បៈរបស់នាងបានហក់ឡើង មានការគាំទ្រច្រើន ។ ការបាត់មុខពីទីលានធ្លាប់សាងស្នាដៃជាច្រើននោះមិនមានការទម្លាយឲ្យដឹងថានាងងាកចេញទៅបង្កើតមុខរបរឬដោយសារម្ចាស់ចិត្តហាមនោះឡើយ។ វិលមកវិញជាថ្មីសម ម៉ាណា មើលទៅស្អាតប្លែកម្យ៉ាង ដោយនាងរាងចាស់ជាងមុនបន្តិច តែរូបរាងនៅតែស្រឡូនគួរឲ្យគយគន់ ។
ដំណើរវិលចូលសិល្បៈនេះត្រូវបានលោកយ៉ែម សំអូន បើកផ្លូវឲ្យនាងពង្រីកទីផ្សារ ដោយលោកយ៉ែម សំអូន ជាអ្នកពូកែរកទីផ្សារសម្តែងនៅតាមកម្មវិធី ធំៗ និងជាថៅកែអាហ្វែតាមរោងការផងដែរ ។ ម៉ាណា បានឱកាសសម្តែងជាមួយក្រុមលោកយ៉ែម សំអូន ដោយដើរម៉ូដព្រោះជំនាញដើរកាច់រាងបង្ហាញម៉ូដត្រូវខ្លាំងចំការងារដែលនាងពេញចិត្ត ។
សម ម៉ាណា បាននិយាយកាលពីពេល ថ្មីៗកន្លងមកថា «នាងខ្ញុំពិតជាសប្បាយចិត្តខ្លាំងណាស់ដែលបានរួមការងារជាមួយក្រុមលោកយ៉ែម សំអូន ឡើងវិញ ជាពិសេសគ្រាន់តែត្រឡប់មកវិញភ្លាម នាងខ្ញុំទទួលបានការងារ ធំៗជាបន្តបន្ទាប់ ជាក់ស្តែងនាងខ្ញុំបានចូលរួមបង្ហាញម៉ូដឱ្យក្រុមហ៊ុននាំចូលផលិតផលគ្រឿងសំណង់ដ៏ធំមួយ ដែលនាងខ្ញុំមិននឹកស្មានសោះថា អាចនឹងមានឱកាសបានចូលមកឈរនៅលើសង្វៀននេះម្តងទៀតទេ ។ នាងខ្ញុំមានសង្ឃឹមថា ការវិលត្រឡប់របស់នាងខ្ញុំអាចនឹងធ្វើឱ្យនាងល្បីឈ្មោះឡើង វិញ »។
ទាក់ទិននឹងជីវិតឯកជនក្រៅសិល្បៈ សម ម៉ាណា និយាយថា«នាងខ្ញុំសុំមិនបើកកកាយពីជីវិតឯកជនឡើយដោយសារមិនចង់ឲ្យគេដឹងរឿងច្រើនក្រៅពីសិល្បៈ។ ចំពោះការសម្រេចចិត្តវិលមកវិញដោយសារចិត្តស្រឡាញ់ ឃើញសិល្បៈមានការរីកចម្រើនរាល់ថ្ងៃទើបសម្រេចចិត្តមកអុកឡុកជាថ្មី ។ ទោះយ៉ាងណានាងខ្ញុំមិនមានបំណងចង់ទៅប្រជែងអ្នកណាដើម្បីភាពល្បីល្បាញឡើយ គឺធ្វើការងារទៅតាមសមត្ថភាពព្រោះភាពល្បីស្គាល់អស់ ហើយសំខាន់ចង់រួបរួមគ្នាក្នុងសិល្បៈឲ្យកាន់តែរីកចម្រើនដូចប្រទេសជិតខាង»៕
ចែករំលែកព័តមាននេះ