ខេត្តបន្ទាយមានជ័យ ៖ កងកម្លាំងនគរបាលប៉ុស្តិ៍ប្រជាពលរដ្ឋ និងប្រជាការបារចុះបារចកក្នុងស្រះយកទឹកសម្រាប់ប្រើប្រាស់ ដើម្បីរក្សាទឹកទុកសម្រាប់ជូនប្រជាពលរដ្ឋប្រើប្រាស់ ដែលរដូវនេះគឺជារដូវប្រាំងក្តៅហួតហែង តែក្នុងរយៈពេល២ថ្ងៃនេះក៏មានទឹកភ្លៀងធ្លាក់មកបន្តិបន្តួច នៅភូមិជ្រាំថ្មី ស្ថិតក្នុងឃុំជប់វារី ស្រុកព្រះនេត្រព្រះ…
ខេត្តបន្ទាយមានជ័យ ៖ កងកម្លាំងនគរបាលប៉ុស្តិ៍ប្រជាពលរដ្ឋ និងប្រជាការបារចុះបារចកក្នុងស្រះយកទឹកសម្រាប់ប្រើប្រាស់ ដើម្បីរក្សាទឹកទុកសម្រាប់ជូនប្រជាពលរដ្ឋប្រើប្រាស់ ដែលរដូវនេះគឺជារដូវប្រាំងក្តៅហួតហែង តែក្នុងរយៈពេល២ថ្ងៃនេះក៏មានទឹកភ្លៀងធ្លាក់មកបន្តិបន្តួច នៅភូមិជ្រាំថ្មី ស្ថិតក្នុងឃុំជប់វារី ស្រុកព្រះនេត្រព្រះ កើនទឹកឡើងបន្តិចបន្តួចផងដែរនោះ ។
កងកម្លាំងនគរបាលប៉ុស្តិ៍រដ្ឋបាលឃុំជប់វារីកងកម្លាំងប្រជាការពារ និងប្រជាពលរដ្ឋសរុបចំនួន១៨នាក់បានធ្វើសកម្មភាពចុះបារចក និងធ្វើដាំបង្គោលរបងហុំព័ទ្ធស្បៃមុងការពារចកមិនឲ្យចូលមកកន្លែងប្រឡង់នោះ ដើម្បីប្រជាពលរដ្ឋងាយស្រួលយកទឹកទៅប្រើប្រាស់ដោយគ្មានចក ។ នេះគឺបើតាមការឲ្យដឹងពីលោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះ បានឲ្យដឹងនៅថ្ងៃទី២៥ ខែមីនា ឆ្នាំ២០១៩ នេះ ។
លោកអធិការបានបញ្ជាក់ថា កន្លងមកនៅភូមិតាអ៊ុន ឃុំទានកាំ ស្រុកព្រះនេត្រព្រះ មានការជួបប្រទះការខ្វះខាតទឹកប្រើប្រាស់ ដោយមានសំណូមពរពីអាជ្ញាធរភូមិ និងប្រជាពលរដ្ឋ លោកឧត្តមសេនីយ៍ទោអាត់ ខែម ស្នងការនគរបាលខេត្ត បន្ទាយមានជ័យ បាននាំយករថយន្តដឹកទឹករបស់ស្នងការដ្ឋាន និងនគរបាលស្រុក-ក្រុង សរុបចំនួន៧គ្រឿង ដឹកទឹកមកចែកជូនប្រជាពលរដ្ឋតាមខ្នងផ្ទះ ស្មើ៨៥គ្រួសារ ដោយប្រើប្រាស់ទឹកអស់១៤ឡាន ស្មើនឹងជិត១១ម៉ឺនលីត្រ ។
ជាមួយគ្នានោះដែរ លោកអធិការបានអំពាវនាវដល់ប្រជាពលរដ្ឋទាំងអស់ សូមឲ្យថែរក្សាទឹកទុកប្រើប្រាស់ ព្រោះឆ្នាំនេះ ខែប្រាំងមានរយៈពេលយូរ មានភ្លៀងធ្លាក់តិចតួច និងសំបូរដោយខ្សល់កន្ត្រាក់ ផ្គររន្ទះខ្លាំងជាងបណ្តាឆ្នាំមុនៗផងដែរ ។ ដូច្នេះដើម្បីសុវត្ថិភាពនូវបាតុភូតធម្មជាតិនេះ គឺបងប្អូនប្រជាពលរដ្ឋ មានការប្រុងប្រយ័ត្នខ្ពស់ ចំពោះផ្គររន្ទះនិងខ្សល់កន្ត្រាក់នេះ ៕
ចែករំលែកព័តមាននេះ