តាមប្រភពពី Shanghaiist បានឱ្យដឹងថា បុរសម្នាក់បានសារភាពថា ខ្លួនមានបំណងយកកណ្តុរងាប់ទៅដាក់នៅក្នុងឆ្នាំងស៊ុបរបស់ហាងស៊ុបយីហោល្បីមួយដែលមានប្រភពមកពីចិន ។ តើលោកអ្នកនៅចាំទេ ពីដំណឹងមួយដែលថា បុរសម្នាក់បានរកឃើញសត្វកណ្តុរនៅក្នុងឆ្នាំងស៊ុបរបស់ហាង Haidilao…
តាមប្រភពពី Shanghaiist បានឱ្យដឹងថា បុរសម្នាក់បានសារភាពថា ខ្លួនមានបំណងយកកណ្តុរងាប់ទៅដាក់នៅក្នុងឆ្នាំងស៊ុបរបស់ហាងស៊ុបយីហោល្បីមួយដែលមានប្រភពមកពីចិន ។ តើលោកអ្នកនៅចាំទេ ពីដំណឹងមួយដែលថា បុរសម្នាក់បានរកឃើញសត្វកណ្តុរនៅក្នុងឆ្នាំងស៊ុបរបស់ហាង Haidilao ក្រុងប៉េកាំង?
រឿងនោះ កើតឡើងកាលពីខែវិច្ឆិកាឆ្នាំមុន ដែលមានបុរសម្នាក់ត្រកូល Guo បានយកប្រពន្ធទៅហាងស៊ុបនោះ ។ ក្រោយពេល២០នាទី គាត់បានហៅអ្នករត់តុមកឱ្យមើលថា មានសត្វកណ្តុរងាប់មួយនៅក្នុងឆ្នាំង ដែលគាត់ទើបតែយកចេញមកក្រៅ ។ កាលនោះ ខាងហាងបានសម្រេចផ្តល់ប័ណ្ណសម្រាប់ទទួលទានអាហារមិនគិតថ្លៃ ខណៈដែលមានបុគ្គលិកម្នាក់បន្ថែមលុយ៣០០០ដុល្លារពីលើទៀត ។
ប៉ុន្តែបុរសត្រកូល Guo មិនព្រមទេ ហើយទារប្រាក់សំណងដល់ទៅ៧៤០០០ដុល្លារអាមេរិក។ ដោយសារតែប្រាក់ច្រើនលើសពេក ខាងហាងក៏បានទាក់ទងទៅខាងប៉ូលិសឱ្យមកដោះស្រាយ ស្របពេលដែលលោក Guo ហៅខាងជំនាញចំណីអាហារមកត្រួតពិនិត្យ ។ ក្រោយពីការស៊ើបអង្កេត លោកត្រូវបានចាប់ខ្លួនពីបទឆបោកយកប្រាក់។
កាលពីថ្ងៃអង្គារសប្តាហ៍នេះ លោក Guo បានឡើងតុលាការ ហើយសារភាពថា ខ្លួនពិតជាបានយកកណ្តុរពីស្រុកទៅដាក់ចូល ទៅក្នុងឆ្នាំងស៊ុបមែន។ លោកថា ពេលនោះលោកគ្រាន់តែចង់បានអាហារមិនគិតលុយប៉ុណ្ណោះ តែដោយសារតែចិត្តលោភលន់មិនស្កប់ ទើបលោកទារលុយគេច្រើនបែបនេះ ។
ចែករំលែកព័តមាននេះ