ដើមហេតុដែលនាំឱ្យមានសេចក្តីច្រណែននឹងអ្នកដទៃគឺមកអំពីក្នុងចិត្តយើងហ្នឹងមិនមានមេត្តាគឺសេចក្ដីរាប់អាន មិនមានមុទិតាសេចក្ដីត្រេកអរតាមនៅពេលដែលអ្នកដទៃគេបានសុខ តាមពុទ្ធដីកាប្រាប់ថា បើយើងច្រណែនស្អប់ខ្ពើមនឹងអ្នកដទៃ ហាក់ដូចជាស្អប់ច្រណែននឹងឪពុកម្តាយបង្កើត បងប្អូនបង្កើតរបស់ខ្លួនដូច្នោះដែរ ព្រោះអ្នកណាៗ ក៏ធ្លាប់ជាសាច់ញាតិរបស់ខ្លួនដែរក្នុងសង្សារវដ្ដដ៏យូរអង្វែងរាប់ជាតិប្រមាណមិនបានកន្លងមក។ សូមពិចារណានូវទោសនៃសេចក្ដីច្រណែនដូចតទៅៈ
១-សេចក្ដីច្រណែនធ្វើឲ្យវិនាសចាកព្រះរតនត្រ័យ
២-សេចក្ដីច្រណែនមិនអាចមើលឃើញសច្ចធម៌បានឡើយ
៣-សេចក្ដីច្រណែនអាចធ្វើឲ្យខ្លួនវិនាសដូចភិក្ខុបាបទេវទត្ត
៤-សេចក្ដីច្រណែនអាចធ្វើឲ្យខ្លួនអស់សតិបញ្ញា
៥-សេចក្ដីច្រណែនអាចធ្វើឲ្យខ្លួនចេះរមិលគុណអ្នកដទៃ
៦-សេចក្ដីច្រណែនអាចធ្វើឲ្យខ្លួនចេះនិយាយញុះញង់
៧-សេចក្ដីច្រណែនអាចធ្វើឲ្យខ្លួនសម្លាប់គ្នានិងសម្លាប់ខ្លួនឯងបាន
៨-សេចក្ដីច្រណែន អាចធ្វើឲ្យខ្លួនសាងកម្មពៀរវេរាដ៏ច្រើន
៩-សេចក្ដីច្រណែនអាចធ្វើឲ្យខ្លួនវិកលចរិត
១០-សេចក្ដីច្រណែនអាចធ្វើឲ្យខ្លួនស្អប់មនុស្សល្អ
១១-សេចក្ដីច្រណែនអាចធ្វើឲ្យខ្លួនអស់ញាតិមិត្ត
១២-សេចក្ដីច្រណែនអាចធ្វើឲ្យខ្លួនអស់កិត្តិយស
១៣-សេចក្ដីច្រណែនមិនអាចធ្វើឲ្យខ្លួនញញឹមបានទេ
១៤-សេចក្ដីច្រណែនអាចធ្វើឲ្យខ្លួនទៅកាន់អបាយភូមិ
១៥-សេចក្ដីច្រណែនអាចធ្វើឲ្យខ្លួនកើតក្នុងត្រកូលថោកទាប
១៦-សេចក្ដីច្រណែនអ្នកដទៃជាចំនុចខ្សោយរបស់ខ្លួន
១៧-សេចក្ដីច្រណែនគឺជាអកុសលប្រចាំជីវិត
១៨-សេចក្ដីច្រណែនអាចនាំឲ្យបែបបាក់ញាតិមិត្ត ។
បុគ្គលចង់សម្លាប់សេចក្តីច្រណែនត្រូវចម្រើនមុទិតាឱ្យបានជារឿយៗ នឹងអាចទាញកម្លាំងចិត្តអកុសលឱ្យស្រកចុះបាន ។
ចែករំលែកព័តមាននេះ