ខេត្តឧត្តរមានជ័យ ៖ ផ្ទះប្រជាពលរដ្ឋច្រើនខ្នងបានបំផ្លាញដោយគ្រោះធម្មជាតិ ក្រោយពីមានភ្លៀងកក់ខែ លាយឡំទៅដោយខ្យល់កន្ត្រាក់ កើតឡើងកាលពីវេលាម៉ោង៦យប់ថ្ងៃទី២២ និង២៣ មីនា សរុបចំនួន៥០ខ្នង ក្នុងនោះ…
ខេត្តឧត្តរមានជ័យ ៖ ផ្ទះប្រជាពលរដ្ឋច្រើនខ្នងបានបំផ្លាញដោយគ្រោះធម្មជាតិ ក្រោយពីមានភ្លៀងកក់ខែ លាយឡំទៅដោយខ្យល់កន្ត្រាក់ កើតឡើងកាលពីវេលាម៉ោង៦យប់ថ្ងៃទី២២ និង២៣ មីនា សរុបចំនួន៥០ខ្នង ក្នុងនោះ មានផ្ទះប៉ើងដំបូល, ប៉ើងជញ្ជាំង, ដូលរលំ នៅក្នុងស្រុកចំនួន២ គឺស្រុកត្រពាំងប្រាសាទ និងស្រុកបន្ទាយអម្ពិល ខេត្តឧត្តរមានជ័យ ។
លោកអិន កាយ អធិការស្រុកត្រពាំងប្រាសាទបានឱ្យដឹកថា មេឃភ្លៀងធ្លាក់លាយឡំនិងខ្យល់កន្ត្រាក់លើភូមិត្រាំប៉ោង ឃុំព្រះប្រឡាយ ស្រុកត្រពាំងប្រាសាទ បានវាយប្រហារលំនៅដ្ឋានប្រជាពលរដ្ឋអស់ចំនួន១១ខ្នងផ្ទះ ក្នុងនោះមួយខ្នង ត្រូវបានរងការ ដូលរលំខូចខាតទាំងស្រុង ។ លោកបន្ត លុះនៅ ម៉ោង៧និង៣០នាទីយប់ថ្ងៃទី២៣ មីនា ក៏មានករណីភ្លៀងធ្លាក់ខ្យល់កន្ត្រាក់បណ្តាលឱ្យផ្ទះប្រជាពលរដ្ឋនៅក្នុងស្រុកបន្ទាយអម្ពិល លើឃុំចំនួន៣សរុប៣៥ខ្នងផ្ទះ រួមមាន ឃុំគោកមនចំនួន៥ខ្នង, ឃុំបេងចំនួន១៨ខ្នង និងឃុំចំនួន១៣ខ្នងផ្ទះ ។
គួររំលឹកថា ក្រសួងធនធានទឹក និងឧតុនិយម កាលពីថ្ងៃទី២១ មីនា ទើបបានចេញសេចក្តីជូនដំណឹងបន្ថែមស្តីពីស្ថានភាពអាកាសធាតុថា មានសម្ពាធទាបរុញមកពីភាគខាងលិច និងនិរតីជួបប្រសព្វនឹងសម្ពាធខ្ពស់នៅតំបន់ខ្ពង់រាបភាគខាងជើងរបស់កម្ពុជា បង្កឲ្យមានភ្លៀងកក់ខែក្នុងរង្វង់ពីថ្ងៃទី២២ ដល់ថ្ងៃទី២៥ មីនានៅលើខេត្ត ព្រៃវែង ស្វាយរៀង ត្បូងឃ្មុំ កំពង់ចាម កណ្តាល កំពង់ស្ពឺ តាកែវ កំពង់ធំ កំពង់ឆ្នាំង ពោធិ៍សាត់និងរាជធានីភ្នំពេញ។ ហើយអំឡុងពីថ្ងៃទី២៣ ដល់២៥ខែមីនា អាចមានភ្លៀងធ្លាក់ នៅខេត្តសៀមរាប បាត់ដំបង, ប៉ៃលិន, បន្ទាយមានជ័យ, ឧត្តរមានជ័យ និងខេត្តព្រះវិហារផងដែរ ។
ចែករំលែកព័តមាននេះ