រាជធានីភ្នំពេញ ៖ លោកឃួង ស្រេង បានណែនាំឱ្យអាជ្ញាធរភូមិ-សង្កាត់-ខណ្ឌ ត្រូវចុះទៅដល់កន្លែងស្នាក់នៅរបស់កម្មករ កម្មការិនី ដើម្បីពិនិត្យមើលពីតម្រូវការជាក់ស្តែងដូចជា ទឹក ភ្លើង និងសំរាម ជាដើម ។ ការណែនាំរបស់លោកធ្វើឡើង ក្នុងឱកាសចុះជួបសំណេះសំណាលជាមួយកម្មករ-កម្មការិនីចំនួន១៥០៦នាក់ នៅក្នុងខណ្ឌប្ញស្សីកែវ រាជធានីភ្នំពេញ កាលពីព្រឹកទី២៤ មីនា ។
លោក ឃួង ស្រេង បានបញ្ជាក់ទៀតថា បងប្អូនកម្មករ-កម្មការិនីយើងមានឪពុកម្នាក់ ប្រកបដោយព្រហ្មវិហារធម៌ គឺសម្តេចតេជោហ៊ុន សែន ដែលសម្តេចតែងតែបានគិតគូរសុខទុក្ខនិងបំពេញតម្រូវការជូនបងប្អូនកម្មករ-កម្មការិនីយើង គ្រប់ពេល វេលាតាមរយៈកញ្ចប់អត្ថប្រយោជន៍ទាំង៩ចំណុច ធ្វើឱ្យកម្មករ-កម្មការិនីយើងទទួលបានផល ប្រយោជន៍រួមទាំងប្រាក់ បៀវត្សបានសមរម្យទៀតផង ។
លោកបានណែនាំឲ្យកម្មករ កម្មការិនីទាំង១៥០៦នាក់ កុំជឿងតាមពាក្យ កុំជឿតាមពាក្យញុះញង់ ឬ មេខ្យល់ ដែលមកបោកប្រាស់បងប្អូន ឲ្យទៅធ្វើបាតុកម្មនៅមុខរោងចក្ររបស់បងប្អូនដែលជាឆ្នាំងបាយរបស់បងប្អូនដូច្នេះបងប្អូនត្រូវយល់ឲ្យបានច្បាស់មុននឹងសម្រេចចិត្តទៅធ្វើអ្វីមួយ។ បងប្អូនត្រូវយល់ថាបងប្អូនមានការងារធ្វើមាន រោងចក្រធ្វើក៏ដោយសារតែគណបក្សប្រជាជនកម្ពុជាជួយកសាង និងការពារសន្តិភាពសុខសន្តិភាពជូនបងប្អូនជូនប្រទេសជាតិទាំងមូល និងជួយរកការងារឲ្យបងប្អូន បានធ្វើរហូតមកដល់ សព្វថ្ងៃនេះ ។
លោក ឃួង ស្រេង បានលើកឡើងថា កន្លងមកតាមរយៈការទទួលជួបសំណេះ សំណាលរបស់សម្តេចតេជោ ហ៊ុន សែន ដែលសម្តេចតែងតែបានប្រកាសអំពីគោល នយោបាយរបស់រាជរដ្ឋាភិបាលគោលនយោបាយជាតិ គាំពារសង្គម ចំពោះបងប្អូនកម្មករ និយោជិត។ ដោយនៅឆ្នាំ២០១៩នេះ អ្វីដែលសម្តេចតេជោប្រកាសជូនបងប្អូនកម្មករនិយោជិត ដោយ មានប្រាក់ឈ្នួលប្រចាំខែ១៨២ដុល្លារ ព្រមទាំងបើក២ដងក្នុងមួយខែ។ ការពិនិត្យ សុខភាព ព្យាបាលជំងឺនៅមន្ទីរពេទ្យរដ្ឋដោយឥតបង់ថ្លៃ ដោយគ្រាន់តែប្រើប័ណ្ណ ប.ស.ស។ ចំពោះស្ត្រីសម្រាលកូនត្រូវឈប់សម្រាក៣ខែទទួលប្រាក់១២០ភាគ រយជាដើម។
ក្នុងឱកាសនោះដែរ លោក ឃួង ស្រេង ក៏បាននាំយកថវិកា របស់សម្តេ ចតេជោ ហ៊ុន សែន និងសម្តេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ទៅផ្តល់ជូនបងប្អូនកម្មករ កម្មការិនី ទាំង១៥០៦ នាក់ ក្នុងម្នាក់ៗទទួលថវិកាចំនួន២ម៉ឺនរៀល។ អាជ្ញាធរខណ្ឌឬស្សីកែវ បានឱ្យដឹងថា ខណ្ឌ ឬស្សីកែវ មានរោង ចក្រចំនួន៣៦ រោងចក្រ និងសហ គ្រាសចំនួន៣៦១សហគ្រាស មានកម្មករសរុបចំនួន៤៣៩៦៦ នាក់ និងកម្មករស្នាក់នៅផ្ទះជួលមានចំនួន ៣០៨៦០ នាក់ ។ បច្ចុប្បន្ន ក្នុងចំណោមរោងចក្រទាំង៣៦បានកសាងសាខាបក្ស ចំនួន៨សាខា បក្សតាមរោងចក្រមានចំនួន១៥០៦នាក់ ៕
ចែករំលែកព័តមាននេះ