រាជធានីភ្នំពេញ ៖ ជនសង្ស័យម្នាក់បានធ្វើសកម្មភាពលួចរ៉ឺម៉កម៉ូតូកង់បីបស់អ្នកភូមិជាមួយគ្នាបានសម្រេច ហើយបើកទៅរកកន្លែងលក់ ប៉ុន្តែមិនទាន់បានលក់ផង ស្រាប់តែម្ចាស់ស្វែងរកឃើញ ក៏ចាប់ឃាត់ខ្លួនប្រគល់ឱ្យនគរបាលប៉ុស្តិ៍ត្រពាំងក្រសាំងដើម្បីធ្វើការសាកសួរនិងកសាងសំណុំរឿងចាត់ការតាមច្បាប់។ ហេតុការណ៍ខាងលើនេះបានកើតឡើងកាលពីវេលាម៉ោង៤និង៣០នាទីព្រឹក ថ្ងៃទី២២ ខែមិនា…
រាជធានីភ្នំពេញ ៖ ជនសង្ស័យម្នាក់បានធ្វើសកម្មភាពលួចរ៉ឺម៉កម៉ូតូកង់បីបស់អ្នកភូមិជាមួយគ្នាបានសម្រេច ហើយបើកទៅរកកន្លែងលក់ ប៉ុន្តែមិនទាន់បានលក់ផង ស្រាប់តែម្ចាស់ស្វែងរកឃើញ ក៏ចាប់ឃាត់ខ្លួនប្រគល់ឱ្យនគរបាលប៉ុស្តិ៍ត្រពាំងក្រសាំងដើម្បីធ្វើការសាកសួរនិងកសាងសំណុំរឿងចាត់ការតាមច្បាប់។
ហេតុការណ៍ខាងលើនេះបានកើតឡើងកាលពីវេលាម៉ោង៤និង៣០នាទីព្រឹក ថ្ងៃទី២២ ខែមិនា ឆ្នាំ២០១៩ ស្ថិតនៅ ក្នុងភូមិសាមគ្គី២ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យខាងលើឈ្មោះ ធី តារាវិឌូ ហៅអាត្រង៉ោល ភេទប្រុស អាយុ២២ឆ្នាំ មុខរបរ មិនពិតប្រាកដ មានទីលំនៅ ភូមិសាមគ្គី៣ សង្កាត់ត្រពាំងក្រសាំង ខណ្ឌពោធិសែនជ័យ ។ ចំណែកជនរងគ្រោះ ឈ្មោះ ផេង ម៉េងលី ភេទប្រុស អាយុ៤៧ឆ្នាំ មុខរបរ រត់រ៉ឺម៉កម៉ូតូកង់បី មានទីលំនៅផ្ទះលេខ៤២ ផ្លូវ១២១ ភូមិសាមគ្គី២ សង្កាត់ត្រពាំងក្រសាំង ខណ្ឌពោធិ៍សែនជ័យ ។ រីឯម៉ូតូរ៉ឺម៉កកង់បី ដែលត្រូវជនសង្ស័យលួចនោះម៉ាកស៊ីធីផ្លើស ធុនសេ១០០កូរ៉េ ពណ៌ក្រហម ពាក់ស្លាកលេខ ភ្នំពេញ ១E-៣៣៧៨ ហើយត្រូវបាននគរបាលដកហូតបានមកវិញ ។
តាមប្រភពព័ត៌មានពីជនរងគ្រោះបានឲ្យដឹងថា នៅមុនពេលកើតហេតុ កាលពីវេលាយប់ថ្ងៃទី២១ ខែមៅនា ខណៈត្រឡប់មកពីដឹកម៉ូយវិញ គាត់បានចតរ៉ឺម៉កម៉ូតូកង់បីខាងលើនៅមុខផ្ទះដូចសព្វដង ហើយបន្ទាប់មកគាត់បានចូលទៅដេកលង់លក់យ៉ាងស្កប់ស្កល់ ។ លុះដល់វេលាម៉ោង៤និង៣០នាទីព្រឹកថ្ងៃទី២២ មីនា បន្ទាប់ពីក្រោកពីដំណេក ស្រាប់តែបាត់រ៉ឺម៉កម៉ូតូកង់បីមិនឃើញ ទើបមានការភ្ញាក់ផ្អើល នាំគ្នាដើរតាមស្វែងរកពីកន្លែងមួយទៅកន្លែងមួយ ក្រោយមកស្រាប់តែប្រទះឃើញជនសង្ស័យកំពុងបើករ៉ឺម៉កម៉ូតូកង់បីរកកន្លែងលក់ ក៏ចាប់ឃាត់ខ្លួនប្រគល់ឱ្យនគរបាលចាត់ការតាមនីតិវិធីតែម្ដង៕
ចែករំលែកព័តមាននេះ