រាជធានីភ្នំពេញ ៖ សំលេងផ្ទុះដូចគ្រាប់បែកមួយបង្កធ្វើឱ្យប្រជាពលរដ្ឋភ្ញាក់ផ្អើលមួយភូមិស្មានតែមានរឿងអី តាមពិតទុស្សេខ្សែភ្លើងសោះ បង្កភ្ញាក់ផ្អើលកាលពីម៉ោង១០និង៣០នាទីយប់ ថ្ងៃទី២៣ មីនា ២០១៩ នៅក្នុងបុរីស៊ិនតូនី ច្រកទី៣…
រាជធានីភ្នំពេញ ៖ សំលេងផ្ទុះដូចគ្រាប់បែកមួយបង្កធ្វើឱ្យប្រជាពលរដ្ឋភ្ញាក់ផ្អើលមួយភូមិស្មានតែមានរឿងអី តាមពិតទុស្សេខ្សែភ្លើងសោះ បង្កភ្ញាក់ផ្អើលកាលពីម៉ោង១០និង៣០នាទីយប់ ថ្ងៃទី២៣ មីនា ២០១៩ នៅក្នុងបុរីស៊ិនតូនី ច្រកទី៣ ភូមិត្រពាំងថ្លឹង៤ចោមចៅ១ ខណ្ឌពោធិ៍សែនជ័យ។
ប្រភពពីប្រជាពលរដ្ឋបានឲ្យដឹងថា ស្របពេលដែលប្រជាពលរដ្ឋកំពុងលង់លក់ក្នុងដំណេកស្រាប់តែបានឮសំឡេងផ្ទុះយ៉ាងកក្រើក ពេលនោះស្មានតែផ្ទុះគ្រាប់បែកផ្អើលនាំគ្នាចេញមើល ស្រាប់តែសំឡេងផ្ទុះនោះ គឺផ្ទុះឆេះខ្សែភ្លើងដែលម្ចាស់បុរី ដាក់រត់ ស្របតាមសំយ៉ាបផ្ទះល្វែងសោះ និងបានឃើញមានផ្សែងហ៊ុយ ក្រោយមកម្នាក់ៗនាំគ្នារត់យកបំពង់ពន្លត់អគ្គិភ័យមកជួយបាញ់ពន្លត់អស់ជាច្រើនបំពង់ ទើបរលត់ទៅវិញ។
ប្រភពដដែលប្រាប់ទៀតថា ទីតាំងដែលទុស្សេខ្សែភ្លើងខាងលើនេះ បានផ្ទុះឆេះ២ថ្ងៃជាប់គ្នាមកហើយ ដូច្នេះពួកគាត់សុំ សំណូមពរដល់ខាងអគ្គិសនីជួយចុះមកពិនិត្យឱ្យបានត្រឹមត្រូវតាមលក្ខណៈបច្ចេកទេសផង នេះផ្ទុះឆេះមុខផ្ទះល្វែងដែលសុទ្ធតែថ្ម ចុះបើផ្ទុះឆេះចំផ្ទះឈើវិញ មិនអត្តរាយទៅហើយទេអី៕
ចែករំលែកព័តមាននេះ