ខេត្តបន្ទាយមានជ័យ ៖ មានហេតុការណ៍គ្រោះអគ្គីភ័យកើតឡើង ដោយដុតសម្រាមចោលភ្លេចខ្លួនបណ្តាលឲ្យរាលឆេះវាលស្មៅយ៉ាងខ្លាំង តែមិនបង្កផលប៉ះពាល់ដល់ផ្ទះប្រជាពលរដ្ឋឡើយ ។ហេតុនេះបានកើតឡើងនៅវេលាម៉ោង១២ថ្ងៃត្រង់ ថ្ងៃទី២៣ ខែមីនា ខាងក្រោយការ៉ាស់សាំង ភ្លន់ លាងហ៊ុន ក្បែររោងចក្រទឹកកក តាមបណ្តាញជាតិលេខ៦ ផ្លូវទៅសៀមរាប ស្ថិតនៅភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។
លោកវរសេនីយ៍ឯក ស៊ី ឌី អធិការក្រុងសិរីសោភ័ណបានឲ្យដឹងថា ករណីបង្កឲ្យភ្លើងឆេះរាលឡើងនេះ គឺដោយសារការធ្វេសប្រហែសរបស់អ្នកដុតសម្រាមចោល នៅក្រោយស្ថានីយ៍ប្រេងឥន្ទនៈដែលមានម្ចាស់ឈ្មោះ ភ្លន់ លាងហ៊ុន និងក្បែររោងចក្រទឹកកក ហើយក៏ធ្វើឲ្យមានការរាល់ដាលទៅវាលស្មៅខាងក្រោយឆាបឆេះតែម្តង ។
ក្នុងនោះឡានទឹកចំនួន២គ្រឿង រួមមានរថយន្តពន្លត់អគ្គីភ័យសាលាក្រុងមួយគ្រឿង និងរបស់ស្នងការដ្ឋាននគរបាលខេត្តមួយគ្រឿង បានធ្វើការចាញ់ទប់ស្កាត់កុំឲ្យមានការរាលដាលដល់ផ្ទះសំបែងប្រជាពលរដ្ឋបានទាន់ពេលវេលា ៕
ចែករំលែកព័តមាននេះ