រាជធានីភ្នំពេញ ៖ ទីតាំងជាចំណែកផ្លូវទុកចតយានយន្តសាធារណៈនៅផ្សារជម្ពូវ័ន ត្រូវបានប្រធានផ្សារនិងប្រធានសន្តិសុខយកធ្វើជាអាជីវកម្មផ្ញើម៉ូតូ និងបណ្តោយឱ្យអាជីវករលក់ដូររួចដើរប្រមូលប្រាក់ ដើម្បីចែកគ្នា ជាហេតុបង្កឱ្យមានការកកស្ទះចរាចរណ៍ជាខ្លាំង ។ មិនតែប៉ុណ្ណោះ ក្រុមសន្តិសុខបានបណ្តោយឱ្យម៉ូតូចតនៅលើផ្លូវ…
រាជធានីភ្នំពេញ ៖ ទីតាំងជាចំណែកផ្លូវទុកចតយានយន្តសាធារណៈនៅផ្សារជម្ពូវ័ន ត្រូវបានប្រធានផ្សារនិងប្រធានសន្តិសុខយកធ្វើជាអាជីវកម្មផ្ញើម៉ូតូ និងបណ្តោយឱ្យអាជីវករលក់ដូររួចដើរប្រមូលប្រាក់ ដើម្បីចែកគ្នា ជាហេតុបង្កឱ្យមានការកកស្ទះចរាចរណ៍ជាខ្លាំង ។ មិនតែប៉ុណ្ណោះ ក្រុមសន្តិសុខបានបណ្តោយឱ្យម៉ូតូចតនៅលើផ្លូវ ដែលបានហាមឃាត់ ដោយចតបិទផ្លូវឡើងស្ពានអាកាសធ្វើឱ្យអ្នកដំណើរ ជាពិសេសកូនសិស្ស មានការពិបាកក្នុងការដើរឡើងស្ពានណាស់ ។
តាមប្រជាពលរដ្ឋឱ្យដឹងថា នៅផ្សារជម្ពូវ័ន ត្រូវបានសាលារាជធានីភ្នំពេញ យកចិត្តទុកដាក់ជាខ្លាំង ដោយស្ថាបនាផ្លូវ និងសួនច្បារ ដើម្បីកែលំអសោភ័ណភាព បន្ទាប់ពីស្ពានអាកាសស្ថាបនារួច ។ ទន្ទឹមនោះ ដើម្បីសម្រួល ដល់ប្រជាពលរដ្ឋនាំគ្នាមកផ្សារនិងចតម៉ូតូគ្មានសណ្តាប់ធ្នាប់បណ្តាលអោយកកស្ទះចរាចរណ៍អាជ្ញាធរក៏បានធ្វើគំនូស និងយកចិញ្ចឹមផ្លូវមួយចំហៀង ទុកចតម៉ូតូនិងមួយចំហៀងទុកធ្វើដំណើរ ។
ដោយឡែក ការលក់ដូរកំណត់ត្រឹមចិញ្ចើមផ្លូវ តែផ្ទុយទៅវិញ ប្រធានផ្សារមានអំណាចមាឌ និងប្រធានសន្តិសុខ មិនបានយកចិត្តទុកដាក់នោះទេ បែរជាបណ្តែតបណ្តោយ អោយជាអាជីវករលក់ដូរ លើចំណែកផ្លូវទុកចតម៉ូតូជាហេតុធ្វើអោយ ម៉ូតូឌុប និងម៉ូតូអ្នកផ្សារបាននាំគ្នា ទៅចតក្រោមស្ពានដែលមិនមែនជាកន្លែងចតនិងផ្លូវឡើងស្ពានបង្កអោយមានការលំបាក់ដល់អ្នកដំណើរ និងកូនសិស្សឡើងស្ពានអាកាសផ្លូវ។
ក្រៅពីនោះ ប្រធានផ្សារនិងសន្តិសុខបានយកចំណែកផ្លូវ ទុកចតម៉ូតូសាធារណៈយកធ្វើជាកន្លែងផ្ញើរម៉ូតូដើម្បីប្រមូលយកប្រាក់ចែកគ្នាជាហេតុធ្វើអោយអ្នកជិះម៉ូតូជូនក្រុមគ្រួសារចូលផ្សាររកន្លែងចតម៉ូតូគ្មានក៍បានមកឈប់ចតទៅកន្លែងហាមឃាត់បង្កអោយកកស្ទះចរាចរណ៍និងភាពអានាធិបតេយ្យ ។
នៅព្រឹកថ្ងៃទី២៣ មីនា នេះ នៅមុខផ្សារបង្កភាពនូវអនាធិបតេយ្យ ប្រធានសន្តិសុខផ្សារដែលតែងតែប្រើពាក្យអសុរោះក៏មានទំនាស់គ្នាបែកផ្សេងជាថ្មីទៀត ជាមួយលោកអ៊ំស្រីម្នាក់ដែលបានធ្វើដំណើរទៅទិញផ្លែឈើលក់ដូរនៅតាមដងផ្លូវនោះ ។
តាមប្រជាពលរដ្ឋបានអោយដឹងថា បើសិនជាប្រធានផ្សារនិងសន្តិសុខផ្សារជម្ពូវន យកចិត្តទុកដាក់រៀបចំសណ្តាប់ មិនបណ្តែតបណ្តោយអោយអាជីវករលក់ដូរលើដងផ្លូវ រួចប្រមូលប្រាក់នោះទេ ប្រហែលជាគ្មានភាពអានាធិបតេយ្យនោះទេ ។ តាមប្រជាពលរដ្ឋបានលួចខ្សឹបថា ដោយសាតែលោកប្រធានផ្សារឈ្មោះ លាភ ប៊ុនរិទ្ធ មានខ្នងជាអភិបាលធានីភ្នំពេញបានជាថ្លែមធំបែបនេះ ។
គួរបញ្ជាក់ទៀតថា ផ្សារជម្ពូវតែងតែបង្កអោយមានបាតុភាពជាបន្តបន្ទាប់ ដែលផ្តើមចេញសណ្តាប់ធ្នាប់ ដែលប្រធានផ្សារនិងក្រុមសន្តិសុខយកដងផ្លូវ ដែលជាកន្លែងចតយានយន្តសាធារណៈឱ្យអាជីវករដក់ដូរនិងផ្ញើម៉ូតូ ដើម្បីប្រមូលប្រាក់ចែកគ្នា ។
ទោះបីជាយ៉ាងណា អ្នកយកព័ត៌មានពុំទទួលបានការបំភ្លឺណាមួយពីផ្សារជម្ពូរវ័ននៅឡើយ ហើយនេះជាទិដ្ឋភាពជាក់ស្តែង និងការរិះគន់របស់ប្រជាពលរដ្ឋតែប៉ុណ្ណោះ ។
ចែករំលែកព័តមាននេះ