ខេត្តបាត់ដំបង ៖ ស្ត្រីម្នាក់ត្រូវកម្លាំងនគរបាលឃាត់ខ្លួនភ្លាមៗ ក្រោយពីកាប់សម្លាប់ប្ដីរបស់ខ្លួនដោយសារភ្លើងប្រចណ្ឌ ដែលកើតឡើងកាលពីវេលាម៉ោង១១និង៣០នាទីយប់ថ្ងៃទី២២ មីនា ស្ថិតនៅភូមិស្តៅ ឃុំស្តៅ ស្រុករតនមណ្ឌល ។…
ខេត្តបាត់ដំបង ៖ ស្ត្រីម្នាក់ត្រូវកម្លាំងនគរបាលឃាត់ខ្លួនភ្លាមៗ ក្រោយពីកាប់សម្លាប់ប្ដីរបស់ខ្លួនដោយសារភ្លើងប្រចណ្ឌ ដែលកើតឡើងកាលពីវេលាម៉ោង១១និង៣០នាទីយប់ថ្ងៃទី២២ មីនា ស្ថិតនៅភូមិស្តៅ ឃុំស្តៅ ស្រុករតនមណ្ឌល ។
សមត្ថកិច្ចបានឲ្យដឹងថា ស្ត្រីសង្ស័យខាងលើ ឈ្មោះវ៉ា សុណន អាយុ៤២ឆ្នាំ រស់នៅចំណុចកើតហេតុ។ ស្ត្រីរូបនេះ បានយកពូថៅកាប់ទៅលើប្ដីរបស់ខ្លួន ឈ្មោះយី រ៉ាន់ អាយុ៤៤ឆ្នាំចំនួន៦ពូថៅ បណ្តាលស្លាប់ភ្លាមៗ ខណៈកំពុងដេកលក់ ហើយត្រូវបានកម្លាំងនគរបាលមួលដ្ឋានឃាត់ខ្លួនភ្លាមៗតែម្ដង។
ជុំវិញអំពើហិង្សាដ៏កំរោលនេះ បើតាមការសាកសួរជំហានដំបូង គឺផ្ដើមចេញពីភ្លើងប្រចណ្ឌ ។ ទោះយ៉ាងណាបច្ចុប្បន្ន មន្ត្រីជំនាញកំពុងសួរនាំស្ត្រីសង្ស័យ ដើម្បីកសាងសំណុំរឿងបញ្ជូនទៅតុលាកាហើយ ។
ព័ត៌មានបន្ថែមកោះសន្តិភាពនឹងផ្សាយជូនបន្ត ។
ចែករំលែកព័តមាននេះ