រាជធានីភ្នំពេញ ៖ បុរសជនជាតិចិនម្នាក់ បើករថយន្តម៉ាកមែកហ្សែដែសមួយគ្រឿង ស្រាប់តែបើកសុខៗក៏ឆ្លងប្រព័ន្ធភ្លើងភ្លាម បណ្តាលោ្យឆាបឆេះយ៉ាងសន្ធោសន្ធៅ ផ្អើលដល់រថយន្តពន្លត់អគ្គិភ័យមកបាញ់អស់២គ្រឿង ទើបរលត់ទៅវិញ ហេតុការណ៍នេះកើតឡើង កាលពីវេលាម៉ោង១០…
រាជធានីភ្នំពេញ ៖ បុរសជនជាតិចិនម្នាក់ បើករថយន្តម៉ាកមែកហ្សែដែសមួយគ្រឿង ស្រាប់តែបើកសុខៗក៏ឆ្លងប្រព័ន្ធភ្លើងភ្លាម បណ្តាលោ្យឆាបឆេះយ៉ាងសន្ធោសន្ធៅ ផ្អើលដល់រថយន្តពន្លត់អគ្គិភ័យមកបាញ់អស់២គ្រឿង ទើបរលត់ទៅវិញ ហេតុការណ៍នេះកើតឡើង កាលពីវេលាម៉ោង១០ និង២០នាទីយប់ថ្ងៃទី២២ មីនា ស្ថិតតាមបណ្តោយផ្លូវ២១៤ កែងផ្លូវព្រះមុនីវង្ស នៅចំណុចក្បែរនឹងផ្លូវភ្លោះអូរប្ញស្សី ក្នុងសង្កាត់បឹងរាំង ខណ្ឌ៧មករា ។
សាក្សីដែលឃើញហេតុការណ៍ឱ្យដឹងទៀតថា មុនពេលកើតហេតុគេឃើញបុរសម្នាក់ ជាជនជាតិចិនមិនស្គាល់ឈ្មោះ បើករថយន្តមួយគ្រឿងម៉ាក់ខាងលើ ពណ៌ទឹកប្រាក់ពាក់ស្លាកលេខភ្នំពេញ2O-8777 បើកបរតាមបណ្តោយផ្លូវ២១៤ ក្នុងទិសដៅពីលិចទៅកើត មិនដឹងថាគាត់មកពីណានោះទេ ។ ខណៈពេលបើកដល់ចំណុចកើតហេតុខាងលើនេះ ក៏ស្រាប់តែឆ្លងប្រព័ន្ធភ្លើងហ៊ុយផ្សែងចេញពីក្បាលរថយន្តធ្វើឲ្យអ្នកបើករថយន្តជាជនជាតិចិនភ័យស្លន់ស្លោ បានបើករថយន្តទៅឈប់នៅលើចិញ្ចើមផ្លូវ រួចហើយបើកទ្វារចេញពីក្នុងរថយន្ស្រែកឱ្យគេជួយ ទាំងរថយន្តកំពុងឆេះចេញជាអណ្តាតភ្លើង ។
ភ្លាមៗនោះ ក៏មានប្រជាពលរដ្ឋយកបំពង់ពន្លត់អគ្គិភ័យមកបាញ់អស់មួយបំពង់ នៅតែអត់រលត់ទើបសមត្ថកិច្ចមូលដ្ឋានប៉ុស្តិ៍បឹងរាំងរាយការណ៍ហៅរថយន្តពន្លត់អគ្គិភ័យមកអន្តរាគមន៍បាញ់ពន្លត់អស់មួយគ្រឿងនិងម៉ូតូបាញ់ទឹករបស់ខាងសាលាខណ្ឌដូនពេញបានជួយបាញ់អស់មួយគ្រឿង ទើបរលត់អស់ទាំងស្រុង ។ រថយន្តដែលឆាបឆេះខាងលើនេះឆេះខូចខាតផ្នែកខាមុខ ត្រូវបានរថយន្តពន្លត់អគ្គិភ័យបាញ់ទឹករលត់អស់ទាំងស្រុងនៅវេលាម៉ោង10និង30នាទីយប់ថ្ងៃដដែល។
ចែករំលែកព័តមាននេះ