រាជធានីភ្នំពេញ ៖ អ្នកនាំពាក្យក្រសួងការបរទេសបានប្រាប់អ្នកសារព័ត៌មានថា សម្តេចតេជោ ហ៊ុន សែន ដឹកនាំគណៈប្រតិភូកម្ពុជាទៅចូលរួមវេទិកាការសម្ពោធគំនិតផ្តួចផ្តើម«ខ្សែក្រវ៉ាត់និងផ្លូវ» របស់ចិនលើកទី២ នៅទីក្រុងប៉េកាំង ចុងខែមេសា…
រាជធានីភ្នំពេញ ៖ អ្នកនាំពាក្យក្រសួងការបរទេសបានប្រាប់អ្នកសារព័ត៌មានថា សម្តេចតេជោ ហ៊ុន សែន ដឹកនាំគណៈប្រតិភូកម្ពុជាទៅចូលរួមវេទិកាការសម្ពោធគំនិតផ្តួចផ្តើម«ខ្សែក្រវ៉ាត់និងផ្លូវ» របស់ចិនលើកទី២ នៅទីក្រុងប៉េកាំង ចុងខែមេសា ឆ្នាំ២០១៩ ក្នុងនោះក៏មានជំនួបរវាងថ្នាក់ដឹកនាំភាគី និងមានឯកសារមួយចំនួននឹងត្រូវបានចុះហត្ថលេខាផងដែរ ។ នេះបើតាមការលើកឡើងរបស់អ្នកនាំពាក្យបានបញ្ជាក់ក្រោយពេលជំនួបរវាងលោកឧបនាយករដ្ឋមន្ត្រីប្រាក់ សុខុន និងលោកអនុរដ្ឋមន្ត្រីការបរទេសចិន Kong Xuanyou នៅទីស្តីការបរទេស ។
នៅថ្ងៃទី២១ ខែមីនា ឆ្នាំ២០១៩ ។ បន្ទាប់ពីជំនួបនេះលោកអនុរដ្ឋមន្ត្រីការបរទេសចិន Kong Xuanyou នឹងចូលរួមបើកសម្ពោធការការសាងសង់ផ្លូវល្បឿនលឿន (ភ្នំពេញ-ខេត្តព្រះសីហនុ)ជាមួយសម្តេចតេជោហ៊ុន សែន នាយករដ្ឋមន្ត្រីនៅ ថ្ងៃទី២២ ខែមីនា ឆ្នាំ២០១៩ ។ ក្នុងជំនួបពិភាក្សារវាងលោកអនុរដ្ឋមន្ត្រីក្រសួងការបរទេសចិនក៏នឹងអញ្ជើញចូលរួមប្រជុំនៅកម្ពុជាថ្នាក់អគ្គលេខាធិការ ដើម្បីរៀបចំកិច្ចប្រជុំគណៈកម្មាធិការអន្តររដ្ឋាភិបាលកម្ពុជា-ចិនលើកទី៥។
លោកអនុរដ្ឋមន្ត្រីការបរទេសចិននឹងចូលរួមក្នុងការបើកសម្ពោធធការសាងសង់ផ្លូវល្បឿនលៀនពីភ្នំពេញទៅខេត្តព្រះសីហនុជាមួយសម្តេចហ៊ុនសែន នាយករដ្ឋមន្ត្រី និងមានកិច្ចប្រជុំក្នុងការរៀបចំដំណើរទស្សនកិច្ចរបស់សម្តេចតេជោ ហ៊ុនសែន ក្នុងការវរទិកាលើកទី៣«នៃគំនិតខ្សែក្រវ៉ាត់នឹងផ្លូវ» របស់ចិននៅចុងខែមេសា ឆ្នាំ២០១៩ និងមានឯកសារមួយចំនួនចុះហត្ថលេខាផងដែរ ហើយឯកសារទាំងនោះកំពុងពិនិត្យ ។
ក្នុងជំនួបនេះដែរអនុរដ្ឋមន្ត្រី Kong Xuanyouបានជម្រាបជូនឯកឧត្តមឧបនាយករដ្ឋមន្ត្រីប្រាក់សុខុនថា ឯកឧត្តម វ៉ាង យី រដ្ឋមន្ត្រីការបរទេសចិនបានអញ្ជើញឯកឧត្តមឧបនាយករដ្ឋមន្ត្រីទៅបំពេញទស្សនកិច្ចនៅប្រទេសចិន ។ ភាគីចិនក៏បានអញ្ជើញសម្តេចតេជោ ហ៊ុនសែន នាយករដ្ឋមន្ត្រីទៅបំពេញទស្សនកិច្ចនៅទីក្រុងប៉េងកាំងចិនដែរចុងខែឧសភាខាងមុខ ។ ជាការឆ្លើយតបលោកឧបនាយករដ្ឋមន្ត្រីប្រាក់ សុខុន បានទទួលយកការអញ្ជើញរបស់សមភាគីចិនដោយរីករាយបំផុតនឹងដឹកនាំគណៈប្រតិភូទៅបំពេញទស្សនកិច្ចក្រុងប៉េកាំងតាមសំណូមពរ ។ ព្រោះចាប់តាំងពីការបង្កើតរដ្ឋាភិបាលកម្ពុជាអាណត្តិថ្មីសម្តេចតេជោហ៊ុនសែន បានអញ្ជើញទៅបំពេញទស្សនកិច្ចរួចហើយ នៅតែលោកឧបនាយករដ្ឋមន្ត្រីមិនទាន់បានអញ្ជើញជាផ្លូវការ ៕
ចែករំលែកព័តមាននេះ