ប្រទេសចិន ៖ ទូរទស្សន៍ជាតិចិនរាយការណ៍នាថ្ងៃទី២២មីនាថា មនុស្សម្នាក់បានបើករថយន្តបំបុកមនុស្សដោយចេតនា ក្នុងទីក្រុងមួយនាភាគកណ្ដាលចិន ដោយសម្លាប់មនុស្ស៦នាក់ មុនពេលអ្នកបើកត្រូវប៉ូលិសបាញ់ស្លាប់។ ក្រៅពីអ្នកស្លាប់មនុស្ស៧នាក់ទៀតក៏រងរបួសបញ្ជូនទៅមន្ទីរពេទ្យ។
ទូរទស្សន៍ចិនCCTVបញ្ជាក់ថា សោកនាដកម្មនោះកើតមាននាវេលាម៉ោង៦ព្រឹកម៉ោងក្នុងស្រុកថ្ងៃទី២២មីនា ក្នុងក្រុងហ្សាវយ៉ាងខេត្តហ៊ូបី។ ពុំទាន់មានភាពលម្អិតណាមួយទាក់ទិននឹងសកម្មភាពរបស់ជននោះនៅឡើយ។
កាលពីខែវិច្ឆិកាកន្លងទៅ មានព្រឹត្តការណ៍ប្រហាក់ប្រហែលគ្នានោះ២កើតមាននៅចិន។ ក្នុងភូមិមួយនៃខេត្តសីុឈួន អ្នកបើករថយន្តម្នាក់បានបើករថយន្តរបស់គេបំបុកមនុស្ស បណ្ដាលឲ្យស្លាប់៧នាក់។ ៥ថ្ងៃមុននេះអ្នកបើករថយន្តម្នាក់បានបើកបុកបណ្ដាសិស្សសាលា ក្នុងខេត្តលីអាវនីញ បណ្ដាលឲ្យមនុស្សស្លាប់៥នាក់និងរបួស១៩នាក់។
យោងតាមបណ្ដាសារព័ត៌មានចិនថា អ្នកបើករថយន្តរូបនេះអាយុ២៩ឆ្នាំ បានជ្រើសរើសដោយចៃដន្យគោលដៅវាយប្រហារ ក្រោយគេមានជម្លោះជាមួយប្រពន្ធគេមក។ រួចកាលពីខែកញ្ញាបុរសម្នាក់អាយុប្រមាណជា៤០ឆ្នាំ ដែលប៉ូលិសថាជាមនុស្សកាចសាហាវ ប្រដាប់ដោយកាំបិតមួយ បានបើករថយន្តរបស់គេបំបុកមនុស្សលើទីលានមួយ ដោយសម្លាប់មនុស្ស១១នាក់ហើយមនុស្ស៤៤នាក់រងរបួស៕
ចែករំលែកព័តមាននេះ