ស សុខា ៖ ម្ចាស់មេដាយមាសមិនត្រូវមានជំងឺតួឯកនោះទេ!
- ភ្នំពេញ
រាជធានីភ្នំពេញ ៖ លោក ស សុខា រដ្ឋលេខាធិការក្រសួងអប់រំ យុវជន និងកីឡា បានអំពាវនាវដល់អត្តពលិកម្ចាស់មេដាយមាសកីឡាគ្រប់ប្រភេទមិនត្រូវមានជំងឺតួឯកនោះទេ ។…
រាជធានីភ្នំពេញ ៖ លោក ស សុខា រដ្ឋលេខាធិការក្រសួងអប់រំ យុវជន និងកីឡា បានអំពាវនាវដល់អត្តពលិកម្ចាស់មេដាយមាសកីឡាគ្រប់ប្រភេទមិនត្រូវមានជំងឺតួឯកនោះទេ ។…
រាជធានីភ្នំពេញ ៖ លោក ស សុខា រដ្ឋលេខាធិការក្រសួងអប់រំ យុវជន និងកីឡា បានអំពាវនាវដល់អត្តពលិកម្ចាស់មេដាយមាសកីឡាគ្រប់ប្រភេទមិនត្រូវមានជំងឺតួឯកនោះទេ ។ លោកមានប្រសាសន៍បែបនេះនៅពេល ចូលរួមជាអធិបតីក្នុងពិធីប្រគល់ប្រាក់រង្វាន់ លើកទឹកចិត្តដល់កីឡាករ-កីឡាការិនីដែល ជាម្ចាស់មេដាយព្រឹត្តិការណ៍ប្រកួតកីឡាជើង ឯកអាស៊ីអាគ្នេយ៍នៅទីក្រុងណៃពិដោរ ប្រទេស មីយ៉ាន់ម៉ា កាលពីព្រឹកថ្ងៃទី២១ មីនា នៅក្នុងវិមាន ពហុកីឡដ្ឋានជាតិ ។
អញ្ជើញចូលរួមក្នុងពិធី នោះមានលោក អ៊ុក សិទ្ធិជាតិ អគ្គនាយកនៃ អគ្គនាយកដ្ឋានកីឡា លោក ប៉ុន សុខ ប្រធានមជ្ឈ មណ្ឌលជាតិហ្វឹកហ្វឺនកីឡា មន្រី្តក្រោមឱវាទ និងកីឡាករ-កីឡាការិនីជាច្រើនរូបទៀត។
លោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡា ថ្លែងក្នុងឱកាសនោះថា សម្រាប់អត្តពលិកកីឡាវ៉ូវីណាមកម្ពុជា មេដាយដែលដណ្ដើមបានពីព្រឹត្តិការណ៍ខាងលើមានចំនួន២៦គ្រឿង ក្នុងនោះមេដាយមាស៦គ្រឿង មេដាយប្រាក់៦គ្រឿង និងមេដាយសំរឹទ្ធ១៤គ្រឿង ។
បើនិយាយពីចំណាត់ថ្នាក់មេដាយដែលដណ្ដើម បាន កម្ពុជាឈរនៅលេខរៀងទី៣ក្នុងចំណោមបណ្ដាប្រទេសក្នុងតំបន់ ។ ចំពោះប្រាក់រង្វាន់ដែលត្រូវប្រគល់ជូននាពេលនេះ សរុបមានចំនួន៤៧.៣០០.០០០រៀល ។ រីឯកីឡាគុនដាវវិញដណ្ដើមបានមេដាយសំរឹទ្ធ៣គ្រឿងពីព្រឹត្តិការណ៍កីឡាអាស៊ីអាគ្នេយ៍នៅប្រទេសម៉ាឡេស៊ីដែលបានរៀបចំធ្វើចាប់ពីថ្ងៃទី២៩ កញ្ញាដល់ថ្ងៃទី៣ តុលា ឆ្នាំ២០១៨ ហើយប្រាក់រង្វាន់ដែលត្រូវប្រគល់ជូនមានចំនួន២៨លានរៀល។
មានប្រសាសន៍ក្នុងឱកាសនោះ លោក ស សុខា បានអំពាវនាវដល់អត្តពលិកគ្រប់ប្រភេទកីឡាជាតិទាំងអស់ដែលដណ្ដើមបានមេដាយមាស ត្រូវតែខិតខំប្រឹងប្រែងហ្វឹកហាត់បន្តទៀតព្រោះហាត់ច្រើនកាលណាកាន់តែល្អ ហើយមិនត្រូវមានជំងឺតួឯកនោះទេ ។ បើមិនដូច្នោះទេ សិទ្ធិផលរបស់ខ្លួននឹងមានការធ្លាក់ចុះមិនខាន៕
ចែករំលែកព័តមាននេះ