ខេត្តរតនគិរី ៖ តាមសេចក្តីរាយការណ៍ព័ត៌មានបឋមបានឱ្យដឹងថា មនុស្សប្រុសស្រីក្មេងចាស់ចំនួន៥នាក់បានរងរបួសធ្ងន់និងស្រាល ដោយសារច្នៃរំសេវផាវដាក់ក្នុងដបភេសជ្ជៈ បណ្តាលឱ្យផ្ទុះបង្កគ្រោះថ្នាក់តែម្តង។ ហេតុការណ៍ខាងលើនេះបានកើតឡើងកាលពីវេលាម៉ោង៧និង៣០នាទីព្រឹកថ្ងៃទី២១ ខែមីនា ឆ្នាំ២០១៩ស្ថិតនៅភូមិសៀងសាយ ឃុំតាវែងក្រោម…
ខេត្តរតនគិរី ៖ តាមសេចក្តីរាយការណ៍ព័ត៌មានបឋមបានឱ្យដឹងថា មនុស្សប្រុសស្រីក្មេងចាស់ចំនួន៥នាក់បានរងរបួសធ្ងន់និងស្រាល ដោយសារច្នៃរំសេវផាវដាក់ក្នុងដបភេសជ្ជៈ បណ្តាលឱ្យផ្ទុះបង្កគ្រោះថ្នាក់តែម្តង។
ហេតុការណ៍ខាងលើនេះបានកើតឡើងកាលពីវេលាម៉ោង៧និង៣០នាទីព្រឹកថ្ងៃទី២១ ខែមីនា ឆ្នាំ២០១៩ស្ថិតនៅភូមិសៀងសាយ ឃុំតាវែងក្រោម ស្រុកតាវែង ខេត្តរតនគិរី។
តាមប្រភពព័ត៌មានបានឱ្យដឹងថា ជនរងគ្រោះទាំង៥នាក់ រួមមាន ១-ឈ្មោះ ហេង សារឿន ភេទប្រុស រងរបួសជើងខាងស្តាំធ្ងន់ធ្ងរ ២-ឈ្មោះ សើន អួន ភេទប្រុស អាយុ១១ឆ្នាំ របួសធ្ងន់ ត្រូវចំមុខ ៣-ឈ្មោះ
តឿង ជឿង ភេទប្រុស អាយុ៨ឆ្នាំ របួសធ្ងន់ ធ្លាយពោះវៀន ៤-ឈ្មោះ សន ម៉ាប់ ភេទប្រុស អាយុ២៨ឆ្នាំ រងរបួសស្រាល និង៥-ឈ្មោះ ចាង ត្រិន ភេទស្រី អាយុ ២៦ឆ្នាំ រងរបួសស្រាល។
ក្រោយពេលកើតហេតុ ជនរងគ្រោះដែលរងរបួសធ្ងន់ទាំង៣នាក់ត្រូវបានដឹកបញ្ជូនទៅសង្គ្រោះនៅមន្ទីរពេទ្យបង្អែកខេត្តរតនគិរី។
ករណីខាងលើនេះបង្កឡើងដោយឈ្មោះ ហេង សារឿន ជាអ្នកយកគ្រាប់ផាវមកច្នៃយករំសេវដាក់ក្នុងដបភេសជ្ជៈ ជាអកុសលខណៈកំពុងតែធ្វើ ស្រាប់តែផ្ទុះបណ្តាលឱ្យមនុស្ស៥នាក់រងរបួសធ្ងន់ និងស្រាលតែម្តង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ