ខេត្តកំពង់ចាម៖ អំពើហិង្សាក្នុងគ្រួសារមួយ ដ៏សាហាវបំផុតមិនដែលជួប គឺប្តីបានយកកំាបិតផ្គាក់កាប់កូនស្រីដាច់ក្បាល និងកាប់ប្រពន្ឋស្ទើរដាច់.ក និងដាច់ដៃទំាងពីរស្លាប់យ៉ាងវេទនាបំផុត ។
ហេតុការណ៏ដ៏កម្រជួបនិងគួរឱ្យតក់ស្លុតបំផុតនេះ បានកើតឡើងកាលពីម៉ោង១១និង១៥នាទីថ្ងៃត្រង់ថ្ងៃទី០១ តុលា ២០១៣ នៅក្នុងភូមិត្រពំាងបឹង ឃុំថ្មពូន ស្រុកព្រៃឈរ ។ បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ទៀតថា បុរសជាប្តីឈ្មោះ ឡំាង ពិសេស ហៅ សែ អាយុ ៤៨ឆ្នាំ រីឯកូនស្រីដែលជនកំណាចរូបនេះកាប់ដាច់ក្បាលឈ្មោះ មួន ចិន្តា អាយុ២០ឆ្នាំ និង ប្រពន្ឋឈ្មោះ សេក ធូរ អាយុ ៤៧ឆ្នាំ ត្រូវប្តីកាប់ស្ទើរដាច់.ក និងដាច់ដៃទំាងសងខាងស្លាប់គួរឲ្យរន្ឋត់បំផុត ។
បើតាមលោក កែវ ស៊ាងហ័ន់ អធិការនគរបាលស្រុកព្រៃឈរបានឲ្យដឹងថា បន្ទាប់ពីនាយប៉ុស្តិ៍នគរបាលថ្មពូន បានរាយការណ៏ភ្លាម លោកបានដឹកនំាកម្លំាងជាច្រើនសហការជាមួយប៉ូលិសប៉ុស្តិ៍រាប់សិបនាក់មកផ្ទះកើតហេតុ ដោយមានប្រជាពលរដ្ឋប្រមាណ៥០០នាក់ឡោមព័ទ្ឋជនកំណាចមិនឲ្យចេញពីផ្ទះកើតហេតុ ។
ក្នុងហេតុការណ៏នោះលោកអធិការស្រុកបានបញ្ចុះបញ្ចូលប្តី(ជនដៃដល់)ឲ្យចុះមកដី តែជនកំណាចនេះមិនព្រម បែរជាទៅកាប់ដៃប្រពន្ឋទំាងសងខាងខណៈប្រពន្ឋបានស្លាប់ហើយនោះ យកមកព្យួរបង្ហាញសមត្ថកិច្ចនិងប្រជាពលរដ្ឋដែលកំពុងចោមរោមមើល ធ្វើឲ្យប្រជាពលរដ្ឋទប់កំហឹងមិនបាន ក៏នំាគ្នាគប់ចូលក្នុងផ្ទះបណ្តាលឲ្យជនកំណាចជាប្តីនោះដួល ហើយប្រជាពលរដ្ឋក៏សម្រុកគប់ដុំថ្ម និងខ្លះចូលវាយទាត់ធាក់ រហូតស្លាប់នៅមុខផ្ទះតែម្តង ។
គួរបញ្ជាក់ថា ប្តី-ប្រពន្ឋខាងលើនេះ បានរួមរស់ជាមួយគ្នា៧-៨ឆ្នាំមកហើយ ហើយកូនស្រីដែលស្លាប់នោះជាកូនប្តីមុន ។ សេចក្តីរាយការណ៏បានបន្តថា មកដល់ម៉ោង១និង៤០នាទីនេះ ប្រជាពលរដ្ឋរាប់រយនាក់នៅបន្តចោមរោមមើលហេតុការណ៏នេះដដែលក្នុងក្តីតុកស្លុតនិងរន្ឋត់បំផុត ៕
ចែករំលែកព័តមាននេះ