ខេត្តកំពង់ចាម ៖ ពិតជាគួរឲ្យតក់ស្លុតណាស់ ក្រោយដូនចាស់ម្នាក់ឈ្មោះសែម ប៉ុក អាយុ៦៧ឆ្នាំនៅភូមិខ្ទួយទី៤ ឃុំអូរម្លូ ស្រុកស្ទឹងត្រង់ បានស្លាប់ក្នុងភ្នក់ភ្លើងទាំងរស់ រីឯចៅប្រុសអាយុ១៧ឆ្នាំ បានរងរបួសរលាកជើងសងខាង ក្នុងហេតុការណ៍ភ្លើងឆេះ កើតឡើងកាលពីវេលាម៉ោង៣និង១៦នាទីរសៀលថ្ងៃទី
១៩ មីនា ហើយភ្លាមៗចៅប្រុសត្រូវបានគេបញ្ជូនទៅសង្គ្រោះនៅមណ្ឌលសុខភាពអូរម្លូ ។
លោកវរសេនីយ៍ឯក ប៉ាក ជាតិ អធិការនគរបាលស្រុកស្ទឹងត្រង់ប្រាប់ឲ្យដឹងថា មុនពេលកើតហេតុចៅប្រុសដែលមានផ្ទុកមេរោគអេដស៍ បានមកសុំលុយពីជីដូនបង្កើតរបស់ខ្លួន២ម៉ឺនរៀលសម្រាប់ជាសោ
ហ៊ុយក្នុងការធ្វើដំណើរទៅកាន់រាជធានីភ្នំពេញ ដើម្បីទៅរស់នៅក្នុងមណ្ឌលដែលទីនោះ មានការថែទាំ
ដល់អ្នកដែលមានផ្ទុកមេរោគនេះ ។ ក្នុងពេលនោះ ក៏មានការប្រកែកគ្នាបន្តិច ដោយសារជីដូនដែលជាកម្មករដាំដុះរបស់ក្រុមហ៊ុន ឡុង ស្រេង ចំការកៅស៊ូបឹងកេត មិនចង់ឱ្យចៅរបស់ខ្លួនទៅនោះទេ ។
បន្ទាប់មក ដូនចាស់រូបនោះបានបានខឹងសម្បារចៅប្រុស ហើយបានយកប្រេងសាំងក្នុងដប២លីត្រ មកចាក់លើខោអាវក្នុងផ្ទះតៀមសាងសង់ពីថ្មបេតុង រួចយកដែកកេះមកគូស ដើម្បីបើកចង្ក្រានហ្គាសកំដៅសម្លដែរ ស្រាប់តែបណ្តាលឲ្យឆាបឆេះមកលើខ្លួនប្រាណសន្ធោរសន្ធៅ ហើយចៅប្រុសបានរងការរលាកជើងសងខាង និងលោតចេញមកក្រៅទាន់ បណ្តាលឲ្យរងរបួសជើងសងខាង ។
ចំណែកជីដូន៦៧ឆ្នាំនោះបានស្លាប់ក្នុងភ្នក់ភ្លើងតែម្តង ។ ក្រោយកើតហេតុកម្លាំងសមត្ថកិច្ចបានបង្កើតគណៈកម្មការ ដើម្បីពិនិត្យសពដូនចាស់ និងបានសន្និដ្ឋានថា ពិតជាបានស្លាប់ដោយដោយរលាកភ្លើង
មែន ។
គួរបញ្ជាក់ថា ឪពុកម្តាយរបស់ចៅប្រុសនោះបានស្លាប់អស់ហើយដោយសារតែកើតជំងឺអេដស៍ ហើយចៅប្រុសឈ្មោះសុធា បានឆ្លងមេរោគអេដសន៍ពីឪពុកម្តាយរបស់គេ ហើយដើម្បីចង់បានពន្យារជីវិតរស់ នៅរាងយូរ ក៏ចង់ទៅរស់នៅក្នុងមណ្ឌលមួយកន្លែងក្នុងរាជធានីភ្នំពេញ ។
ចែករំលែកព័តមាននេះ