ខេត្តមណ្ឌលគិរី ៖ លោកចាន់ វាសនា ប្រធានសាខាកាំកុងត្រូលខេត្តនៅព្រឹកថ្ងៃទី២២ ខែមីនា ឆ្នាំ២០១៩បាន សហការណ៍ជាមួយមន្ទីរពាណិជ្ជកម្មខេត្ត និងអាជ្ញាធរដែនដីបានចុះអប់រំផ្សព្វផ្សាយពីសុវត្ថិភាពចំណីអាហារ និងចែករូបភាពដែលរៀបចំដោយអគ្គនាយកដ្ឋានកាំងកុងត្រូលស្តីពី(សូមពិចារណាមុននឹងជ្រើសរើស…
ខេត្តមណ្ឌលគិរី ៖ លោកចាន់ វាសនា ប្រធានសាខាកាំកុងត្រូលខេត្តនៅព្រឹកថ្ងៃទី២២ ខែមីនា ឆ្នាំ២០១៩បាន សហការណ៍ជាមួយមន្ទីរពាណិជ្ជកម្មខេត្ត និងអាជ្ញាធរដែនដីបានចុះអប់រំផ្សព្វផ្សាយពីសុវត្ថិភាពចំណីអាហារ និងចែករូបភាពដែលរៀបចំដោយអគ្គនាយកដ្ឋានកាំងកុងត្រូលស្តីពី(សូមពិចារណាមុននឹងជ្រើសរើស ផលិតផល ម្ហូបអារហារ ណាមួយមកបរិភោគ) ជូនដល់លោកគ្រូ អ្នកគ្រូ សិស្សានុសិស្ស នៅសាលាបឋមសិក្សាអូររាម អនុវិទ្យាល័យ និងវិទ្យាល័យហ៊ុនសែន កែវសីមា ចំនួន១៤២១នាក់ និងអ្នកលក់ដូរចំនួន១៦តូប ក្នុងបរិវេណសាលា ស្ថិតនៅឃុំស្រែខ្ទុម ស្រុកកែវសីមា ខេត្តមណ្ឌលគិរី ។
លោកចាន់ វាសនា ប្រធានសាខាកាំកុងត្រូលខេត្តបានឲ្យដឹងថា ការចុះត្រួតពិនិត្យនេះ គឺផ្តោតសំខាន់ ទៅលើទំនិញវេចខ្ចប់ស្រាប់ ភេសជ្ជៈ និងចំនីអាហារដែលដាក់តាំងលក់ក្នុងបរិវេណសាលា និងអាជីករលក់ដូរដទៃទៀត ដើម្បីពិនិត្យមើលពីគុណភាព សុវត្ថិភាពចំនីអាហារ ក្នុងគោលបំណង ដើម្បីធ្វើការអប់រំផ្សព្វផ្សាយអំពីគុណភាព សុវត្ថិភាព ចំណីអាហារ ដល់សិស្សានុសិស្ស និងលោកគ្រូ អ្នកគ្រូ អោយយល់ដឹងពីទំនិញគួរប្រើប្រាស់ និងមុខទំនិញណាមិនគួរប្រើប្រាស់ ។ ក្នុងការចុះពិនិត្យនោះដែរ មន្ត្រីជំនាញបានចុះត្រួតពិនិត្យ និងធ្វើតេស្តរកសារធាតុគីមីហាមឃាត់ Borax លើមុខទំនិញប្រហិតសាច់គោ សាច់មាន់ ប្រហិតមីសួរ ជាលទ្ធផលគ្មាន និងបានចុះពិនិត្យវេចខ្ចប់ស្រាប់នៅតាមតូបនីមួយៗ នៅក្នុងបរិវេណសាលាបឋមសិក្សាអូរអាម អនុវិទ្យាល័យ និងវិទ្យាល័យហ៊ុនសែន កែវសីមា ជាលទ្ធផលដកហូតបានទឹកក្រូច ទឹកស្ករលាយមេ ចំនួន១០ដប ស្មើនឹង១៥គីឡាក្រាម ។
បន្ថែមលើសនេះប្រធានសាខាកាំកុងត្រូលខេត្តក៏បានធ្វើការណែនាំដល់អាជីវករទាំងអស់ មុននឹងយកទំនិញមកលក់ត្រូវធ្វើការពិនិត្យពីគុណភាពឱ្យបានច្បាស់លាស់ជាមុនសិន ហើយត្រូវជៀសវាងការប្រើប្រាស់សារធាតុគីមីបន្ថែម ទៅលើផលិតផលម្ហូបអាហារ ។ ម្យ៉ាងទៀត មន្ត្រីជំនាញក៏បានផ្សព្វផ្សាយបន្ថែមដល់សិស្សានុសិស្ស និងអាជីវករឲ្យយល់ដឹងអំពីអនាម័យ និងការរៀបចំទំនិញលក់ដូរឲ្យមានសណ្តាប់ធា្នប់ទៅតាមប្រភេទទំនិញហូបចុក និងទំនិញប្រើប្រាស់ឲ្យដាច់ដោយឡែកពីគ្នានឹងក៏បានបិទរូបភាព និងចែករូបភាព ដែលរៀបចំដោយអគ្គនាយកដ្ឋានកាំងកុងត្រូលស្តីពី(សូមពិចារណាមុននឹងជ្រើសរើសផលិតផល ម្ហូបអារហារ ណាមួយមកបរិភោគ) ជូនដល់អ្នកលក់ដូរ និងសិស្សានុសិស្សអោយបានយល់ដឹងពី រូបភាពជាបឋមនូវទំនិញណាដែលគួរប្រើ និងទំនិញណាមិនគួរប្រើប្រាស់ ៕
ចែករំលែកព័តមាននេះ