រាជធានីភ្នំពេញ ៖ គិតត្រឹមវេលាម៉ោង៧និង៤០នាទីយប់ថ្ងៃទី២១ ខែមីនា ឆ្នាំ២០១៩ ទារិកាដែលគេយកទៅបេាះចោលក្នុងគំនរសំរាមនៅផ្លូវ៦០ម៉ែត្រហើយត្រូវបានបុរសជាអ្នករើសអេតចាយ២នាក់ប្រទះឃើញនោះ ពេលនេះទារិកាដ៏អភ័ព្វខាងលើបានស្លាប់ហើយក្នុងកំឡុងពេលសង្គ្រេាះនៅមន្ទីរពេទ្យគន្ធបុប្ផា ។ ក្រោយការស្លាប់នេះ សពទារិកាខាងលើត្រូវបានក្រុមការងារនៃវិទ្យុ…
រាជធានីភ្នំពេញ ៖ គិតត្រឹមវេលាម៉ោង៧និង៤០នាទីយប់ថ្ងៃទី២១ ខែមីនា ឆ្នាំ២០១៩ ទារិកាដែលគេយកទៅបេាះចោលក្នុងគំនរសំរាមនៅផ្លូវ៦០ម៉ែត្រហើយត្រូវបានបុរសជាអ្នករើសអេតចាយ២នាក់ប្រទះឃើញនោះ ពេលនេះទារិកាដ៏អភ័ព្វខាងលើបានស្លាប់ហើយក្នុងកំឡុងពេលសង្គ្រេាះនៅមន្ទីរពេទ្យគន្ធបុប្ផា ។ ក្រោយការស្លាប់នេះ សពទារិកាខាងលើត្រូវបានក្រុមការងារនៃវិទ្យុ ABC ដឹកយកទៅកាន់វត្តសំបួរមាស ដើម្បីបូជាធ្វើបុណ្យតាមប្រពៃណីនៅទីនេាះផងដែរ ។
សូមបញ្ជាក់ថា សពទារិកាខាងលើត្រូវបានបូជាកាលពីព្រឹកថ្ងៃទី២២ ខែមិនា ឆ្នាំ២០១៩នេះ ដោយមានការពិនិត្យនិងធ្វើកោសល្យវិច្ច័យត្រឹមត្រូវពីសំណាក់នគរបាលជំនាញ មុនពេលអនុញ្ញាតអោយបូជា ។
គួរបញ្ជាក់ថា អ្វីជាការកត់សម្គាល់ជំុវិញករណីខាងលើនេះ តាមគ្រូពេទ្យនៃមន្ទីរពេទ្យគន្ធបុប្ផាបានបញ្ជាក់ថា ទារិកាខាងលើគឺកើតនៅមន្ទីរពេទ្យគន្ធបុប្ផា ដោយកើតមកមិនបានប៉ុន្មានថ្ងៃស្រួលបួលផង ម្តាយទារិកាខាងលើបានចាកចេញពីមន្ទីរពេទ្យ ដោយនាំទារិកាខាងលើទៅជាមួយផងដែរ ។ លុះនៅថ្ងៃទី២១ ខែមីនា ក៏ស្រាប់តែឃើញក្រុមការងារនៃវិទ្យុ ABC នាំមកសង្គ្រេាះ ដោយប្រាប់ថា ត្រូវឪពុកម្តាយបេាះបង់ចោលក្នុងគំនរសំរាម ។
គួររំលឹកថា ឮសូរសំឡេងយំក្នុងគំនរសំរាមស្មានតែឆ្មា លុះដើរទៅកាយមើល ទើបដឹង…គួរឱ្យអាណិតណាស់
ចែករំលែកព័តមាននេះ