ខេត្តបាត់ដំបង ៖ សមត្ថកិច្ខបានរាយការណ៍ថា យុវជនម្នាក់ត្រូវបានឃាត់ខ្លួន ដោយសារពាក់ព័ន្ធនឹងការជួញដូរគ្រឿងញៀន កាលពីវេលាម៉ោង៧យប់ថ្ងៃទី២១ មីនា ស្ថិតនៅចំណុចភូមិបឹងរាំង ឃុំធិបតី ស្រុកគាស់ក្រឡ…
ខេត្តបាត់ដំបង ៖ សមត្ថកិច្ខបានរាយការណ៍ថា យុវជនម្នាក់ត្រូវបានឃាត់ខ្លួន ដោយសារពាក់ព័ន្ធនឹងការជួញដូរគ្រឿងញៀន កាលពីវេលាម៉ោង៧យប់ថ្ងៃទី២១ មីនា ស្ថិតនៅចំណុចភូមិបឹងរាំង ឃុំធិបតី ស្រុកគាស់ក្រឡ ជាមួយនឹងការដកហូតបាននូវគ្រឿងញៀនមួយចំនួនផង ។
សមត្ថកិច្ចបានឲ្យដឹងថា ជនសងស្័យឈ្មោះអន ភារម្យ ភេទប្រុស អាយុ២៣ឆ្នាំ រស់នៅភូមិឆាយបល្លង្គ័
ឃុំធិបតី ស្រុកគាស់ក្រឡ ។ ជននេះ ត្រូវបានកម្លាំងនគរបាលឃាត់ខ្លួន ពេលកំពុងប្រព្រឹត្តបទល្មើសជាក់ស្ដែង។ ជាមួយនឹងការឃាត់ខ្លួននេះ កម្លាំងជំនាញដកហូតបានថ្នាំញៀនប្រភេទម្សៅក្រាមពណ៌.សថ្លា(ម៉ាទឹកកក) ច្រកក្នុងថង់ប្លាស្ទិក ពណ៌.សថ្លា មានចំនួន២២កញ្ចប់តូច និង១កញ្ចប់ធំ ទូរស័ព្ទដៃ១គ្រឿង និងសម្ភាររាប់ប្រេីប្រាស់គ្រឿងញៀនមួយទៀត ។
បើតាមសមត្ថកិច្ចបានឲ្យដឹងថា ជនសង្ស័យរូបនេះ ជាមុខសញ្ញាជួញដូរគ្រឿងញៀន ដែលកម្លាំងជំនាញតែងតាមដានកន្លងមក រហូតឈានដល់ការឃាត់ខ្លួនបានជាមួយនឹងគ្រឿងញៀនដ៏ច្រើនសន្ធឹកសន្ធាប់។ ទោះយ៉ាងណាពេលនេះ មន្ត្រីជំនាញកំពុងសួរនាំ ជនសង្ស័យរូបនេះដើម្បីកសាងសំណុំរឿងបញ្ជូនទៅតុលាកាហើយ ៕
ចែករំលែកព័តមាននេះ